Зарядка гьабиялъул пайда
Зарядка гьабиялъул пайда
Лъиего балъгояб жо гуро, техника цебетIураб гьаб заманалда гIадамазул рагъа-рачари дагьлъун букIин. Гьелъул хIасилалда гIадамал кьаралъулел ва гьелдаго цадахъ гIемерлъулел руго унтабиги.
Гьединлъидал тохтурзабаз нилъеда малъулеб буго сордо-къоялда жаниб кинаб бугониги зарядка гьабизе лъикIаб букIинин абун. ГIалимзабаз, гIелмиял цIех-рехазул хIасилалда, чIезабуна зарядкаялъул чанго пайдаял рахъал. Масала, радал рахъиндал зарядка гьабиялъ кьола гьадинал пайдаби:
1. Пашманлъи, вечIай инабула, чIаголъи бачIинабула.
2. Нервабазул клеткаби цIиял рижиялъе кумек букIуна.
3. Черх щула гьабула, унтабазде дандечIей цIикIкIинабула. РекIел ччорбал щулалъула, бидурихьал ва гьуърузул хIалтIи лъикIлъула. Чакрил унти ккеялъе ругел сабабал дагьлъула.
4. Турникалда цIаялъ рищалаби хIалтIизарула. Артроз ва артрит гIадал унтабазе бигьалъи щола.
5. Гьоркьоса къотIичIого гьабулеб зарядкаялъ кьаралъи рекIин гьукъула. ХIалакълъизе кумек гьабула.
6. Зарядка гьабулаго къаркъалаялъ кьола гормонал ва гьелъул хIасилалда метаболизм цIилъула.
7. Чорхол тIом лъикIлъула, цIвакула, сукIалаби уна.
8.Къаркъала херлъи нахълъула, клеткаби цIилъула.
9. Рак унти баккиялда бугеб хIинкъи дагь гьабула.
10. Бидул тIадецуй рукIалиде бачIиналъе кумек букIуна.
11. Ракьа къвакIиялъе кумек букIуна.
12. Чехь-бакьазул хIалтIи лъикIлъизабула.
13. ГIадалнахуде кислород бачIин цIикIкIинабула, гьелъул хIасилалда пагьму цIикIкIуна.
14. Мугъзал чIоло битIизабиялъе сабаб ккола.
15. Къаркъала лъадарула, гьелъул хIасилалда унтабазде данде чIола.
