Дуца щукру гьабулищ?

Бусурбанав ватиялъухъ.

– МухIаммад аварагасул умматалдаса гьавиялъухъ.

– ГIакълу бугевлъун вукIиналъухъ.

– Чорхол сахлъи букIиналъухъ.

– Беразул канлъиялъухъ.

– ГIундузда рагIулеб букIиналъухъ.

– ХIатIал-кверал сахал ратиялъухъ.

– Кваназе квен щвеялъухъ.

– Кварабщинаб регьунеб букIиналъухъ.

– ХIухьел цIазе гьава батиялъухъ.

– Хинлъизе ва канлъи кьезе бакъ щвеялъухъ.

– РацIалъи гьабизе ва гьекъезе бугеб лъехъ.

– Къаси канлъи бихьизе бугеб моцIалъухъ.

– Жанив вукIине рукъги цогидал санагIаталги кьеялъухъ.

– ХIухьбахъизе бугеб ресалъухъ.

– РекIелъа пашманлъи босун ургъел тIаде бегичIолъиялъухъ.

– Эбел-эмен чIаго ратиялъухъ.

– ХIалалай лъади щвеялъухъ.

– Лъимал-хъизан кьеялъухъ.

– Исламияб лъай щвеялъухъ.

– Бокьараб гьикъизе ругел гIалимзаби рукIиналъухъ.

– ТIарикъат лъалел хIакъал муршидзабазухъ.

– ГIага-божарал аскIор ратиялъухъ.

– Дунял гьабизе ресал ва къуват кьуралъухъ.

– Чорхое сабруги рекIее парахалъиги щвеялъухъ.

– Аллагьасе гIибадат гьабизе бугеб гъирагун санагIаталъухъ.

– Аллагьасе тIагIат гьабизе рагьарал мажгитазухъ.

– ГIелму цIализе санагIатал мадрасабазухъ.

– ГIелму босизе рес бугел тIахьалгун казиятазухъ.

– РикIкIадаб бакIалде ине рес букIиналъухъ.

– Ракълилаб, хIинкъи гьечIеб, парахатаб заманалъухъ.

ГIАБДУЛЛАГЬ МУХIАММАДОВ