ГIумрудул карачел
ГIумрудул карачел
Дун колхозалда хIалтIана, накаби цIунана, 8 лъимер кодоб кквеялъ рукьаби унтана, мугIрул сверана, хъутаби тирана, рукъалъул хIалтIи тун базар гьабичIо, лъимал-хъизан тун сапаралъ яхъинчIо.
Кидаго хIалтIулей йикIана. БоцIи хьихьана, хурзал рекьана, рос хун сонал ана, вас хун лъагIел ана, гьанже чанго сон буго унтун бусада. Дир рос, мунагьал чураяв, Хунзахъ районалда милициялдаги, росулъ бухгалтерлъунги, бригадирлъунги хIалтIана.
АхIулгохIде щуцIул щвана, ЧIикIаса КIудиясухъе зияраталъ щвана, киназдаго Аллагь гурхIаги, сахлъи кьеги. Дирго гIумру ракIалде щун магIу чвахана.
