Имамасе баркала
Имамасе баркала
Хириял «Ас-салам» газеталъул хIалтIухъаби. Нижер росдал жамагIаталъул рахъалдасан баркала загьир гьабизе бокьун буго росулъ имамлъун хIалтIулев, Хьаргаби районалъул МагIлиса АхIмадие. Гьес бичIчIизабула как-кIалалдехун букIине кколеб балагьи, малъула хварав чи чурулеб къагIида, хабалъ лъун хадуб гьаризе кколел жал. Хасго кIвар кьола гIун бачIунеб гIелалде.
АхIмадица, каникулазул заманалда, Къуръан цIализе малъула лъималазда. Щибаб къойил лъола дарсал. ТIоритIула конкурсал, кьола бергьаразе шапакъатал. АхIмадил нухмалъиялда гъоркь росдал гIолохъабаз цо чанго нухалда гIахьаллъи гьабуна РухIияб центр балеб бакIалда гьабулеб хIалтIулъ. Гьесул хIаракаталдалъун мажгит цIи гьабуна, хабалаби, нухал, иццал къачIана. Бегавулас кумек къваригIун бугин лъазабидал, имам бищун цеве къватIиве вахъуна, гьабулеб ишалъулъ гIахьаллъиги гьабула. Гьев щола херазухъе, унтаразухъе, цIехола хIажатаб кумек бугищилан абун.
Жиндирго машинаялдаги рекIинарун, бокьарал чагIи рачуна устарасухъе, батIи-батIиял бакIазде зияратаз.
Ниж цIакъ разиял руго АхIмадидаса ва бокьун буго, цоги нухалда, гьесие баркала загьир гьабизе.
<figure><img src="//as-salam.press/storage/_content/2023/01/13/1673558964_63c07bb4ba0f5.jpg"></figure>
