Баркала киназего
Ассаламу гIалайкум, «Ас-салам» казият цIалулел. 2026 соналъул 25 августалда Рихьуниб ГЭСалъул хIоринив гъанкъарав ХIамзатил гIагарлъиялъул рахъалдасан ракI-ракIалъулаб баркала загьир гьабулеб буго гьев валагьиялъулъ гIахьаллъаразе ва нижер къварилъиялда гурхIел бихьизабуразе.
Нижеца кIудияб баркала кьола Россиялъул МЧСалъул ДРялда бугеб бетIераб идараялъул коллективалъе, югалъулаб регионалъул хвасар гьариялъул отрядалъе, Туапсеялъул хвасар гьариялъул отрядалъе, Унсоколо районалъул, Каспийскиялъул, МахIачхъалаялъул подразделениязе. Баркала киналго хIалтIухъабазе.
Хасаб баркала буго полициялъул хIалтIухъабазе, Ингушетиялдаса, Чачаналдаса, Кабардино-Балкариялдаса рачIарал волонтеразе, Дагъистаналъул жамагIатазе, Унсоколо районалъул росабазул гIадамазе.
Гьединго, ракI-ракIалъулаб баркала буго Унсоколо районалъул нухмалъулев ГIиса НурмухIамадовасе, районалъул динияб идараялъе, щибаб къойил кванил нигIматал чIезабураб «Инсан» фондалъе ва кумекалъе рачIаразе кинабго къайи-цIа кьураб «Райский берег» абураб хIухьбахъиялъул базаялъе.
Гьел къоязда нижеца хIехьараб унти рагIабаздалъун загьир гьабизе кIоларо. Амма гьел захIматал къоязда нижеда бихьана гIадамазул рахъалдаса кIудияб гIаданлъи, вацлъиялъулаб квербакъи, гурхIел-рахIму, гьеб абадиялъго нижер ракIазулъ хутIила. Нижее кумек гьабурал, дугIа гьабурал, квербакъаралщиназе ТIадегIанав Аллагьас кири кьеги.
Нужеца гьабураб лъикIлъи нижеда киданиги кIоченаро. Аллагьас ХIамзатги Алжаналъул агьлулъун гьавун ватаги.
