«Ас-саламалъул» гьудул
«Ас-саламалъул» гьудул
МачIадаса МухIаммадов МуртазагIалил «Ас-салам» казияталъулгун гьудуллъун ккаралдаса 25 сон унеб буго.
1973-76-абилел соназда цIалана гьев росдал магIишаталъул техникумалда ва хIалтIана ГIурада росдал совхозалда, райОНОялда, Сберкассаялда, МачIада росдал колхозалда, росдал администрациялда. ГьабсагIат хIалтIулев вуго МачIада росдал школалда. Киве кканиги тIадкъараб хIалтIи гьес тIубазабуна бацIцIадго.
Аллагьасе ﷻ гIоло гьабулеб жамгIияб хIалтIиги рехун течIо. МачIада росдал мажгиталъул советалдеги вищула гьев ва божилъи бугев чи вукIиналъ мажгиталъул гIарцул ва цогидаб боцIи-малалъул ишалги гьесда тIадкъала.
1998 соналдаса нахъе гIагараб росулъ къиматаб казияталъул тIалаб-агъазги гьабула гьес. Гьеб хъвалезул къадар цIикIкIинабиялъе хIаракатги бахъула.
