Баркала, тохтурзаби

Дунялалъул рокъор нилъ гIемер хIажалъула цоцазде, ине ккола мурад тIубай тIалаб гьабун цогидазухъе.

Киназего баянаб жо буго Аллагьасе ﷻ рокьулин диналъул вац-яц рохизарулел гIадамалин абурал Аварагасул ﷺ рагIаби. Цогияз рохизариги чиясда халлъула гьес жиндир кинаб бугониги мурад тIубайдал.

«Ас-салам» казият гьоркьобккун баркала загьир гьабизе бокьун буго Хъумторхъала районалъул Темиргъое росдал медпункталда хIалтIулел тохтурзабазе, хасго Лаваша районалъул Кутиша росулъа ХIажиева ПатIинае.

Гьей йиго аскIове вачIарасул мурад тIубазе хIаракатай, яхI-намус бугей, унго-унгояй тохтур. Нужер бищун лъикIал, гIадамазе цIикIкIун пайдаял кколин абун буго Аварагас ﷺ. Гьединлъидал дугIа буго Аллагьасде ﷻ ПатIина бищун лъикIазда гьоркьоса гьаегийин абураб.

Хадуб, ракI-ракIалъулаб баркала загьир гьабиялдаго цадахъ гьарула нужее щулияб сахлъи, ракIалда ругел мурадал тIурай, гьабураб гIамал ахираталдаги мунпагIатаблъун батаги. Аллагьас ﷻ кIиябго рукъалъул талихI насиб гьабеги щивасе!

МухIаммадсайпуллагь Сулейманов,

Темиргъоялда гIумру гьабун вугев, Шамил районалъул ХIорода росулъа.

2026-05-15 (ЗулкъагIида 1447 с.) №10.

Ассаламу гIалайкум ва рахIматуллагьи ва баракатугьу, хириял диналъул вацал ва яцал! РакI-ракIалъ баркула нужеда тIаде щвараб Къурбаналъул байрам. Гьеб баракатаб къоялъ нилъеца кидаго ракIалде щвезабула Ибрагьим аварагасул тIадегIанаб мисал, гьесул ТIадегIанав Аллагьасе ﷻ букIараб...

ГIарафа магIарда чIей хIежалъул бищун кIвар бугеб рукнулъун ккола, щайгурелъул, гьеб къо къалъаралдаса хадусеб къоялъул рогьел баккизегIан гьенив цо лахIзаталъгIаги чIечIев чиясул хIеж рикIкIунгутIиялъе гIоло. Цогидал рукнабазе цIараб хасаб заман гьечIо. ГIарафа мегIер ва ГIарафа къо буго...

ХIурматиял магIарулал, гьале тIаде щолеб буго исламалда жаниб кIудияб гIидлъун рикIкIунеб Къурбаналъул байрам. Гьелъул аслу буго Ибрагьим аварагасдаса бачIараб. Гьебго тарих буго исламалъул щуабилеб рукнулъун бугеб хIежалъулги. Нилъер диналъул вацалгун яцал гьел къояз рукIуна хIежалъул...

1 маялда ХӀебда росулъ тӀобитӀана, СВОялъул бахIарзал ракIалде щвезариялъул хIурматалда, школазул цIалдохъабазда гьоркьоб волейбол хIаялъул рахъалъ къец. Гьеб тадбиралда гIахьаллъи гьабуна ХIебда росдал имам ГIумархIажи МухIаммадхIажиевасги. Жиндирго кIалъаялда гьес киназего гьарана бергьенлъи ва...

ХIежалъ гIисинал ва чIахIиял мунагьал чурулищ? ГIемерисел гIалимзабазда аскIоб хIежалъ гIисинал мунагьал чурула, амма кIудиял мунагьал ва гIадамазул хIукъукъал чуруларо. Бухари ва АхIмадица бицараб хIадисалда буго: «ХIеж гьабураб мехалда жинца абичIони квешаб рагIи ва гьаричIони фискъуялде...

Баркала, тохтурзаби