Кумекалъе ратаразе баркала

Балагь бачIараб мехалда гIадамазе хIалае ратиялдаса кIудияб гIаданлъи букIинаро ва гьединаб мехалда щвараб баркалаги кириги киналдасаго хирияблъунги рикIкIина. БихьараздагIадин гьединаб кумекалъул кутакги лъалеб батиларо. Нижеда абуни балагьалъул квешлъиги кумекалъул лъикIлъиги бихьунги хIехьонги лъана.

Исана кIиабилеб январалъ, къаси сордо кватIидал, тохлъукьего цIаги рекIун цIергIадин мина-къайи бухIана, нижгоги талихIалъ хIалица къватIире рорчIана. ГьитIинаб жамагIаталъул кутак гIечIо гьелегьараб цIаялде данде. Гьезие киназего кIудияб баркала квачалъукь рогьараб доб сордоялъухъги бикьараб ургъелалъухъги. Нижеда бихьараб гьезда ва лъидаго бихьугеги.

Гьединго, киназухъего кодобе щолеб «Ас-салам» газета гьоркьобккун, ракIракIалъулаб баркала кьезе бокьун буго, малъкъосараб хIалалда рукIаго нижехъе хIалакун тIаде щварал ва кумекалъул квер чIварал росуги районги цоял гIадамазе. ЦIаралккун рехсани, ЧIилда росулъа Шамил ва ХIабибулагь Лабазановазе, ГIаликолоса МирзагIалиевазе, Мазада росдал администрациялъул бетIер Дибиров Рашидие, ЛъаратIа районалъул РОВДялъул хIалтIухъабазе, нухазда ва ихтияразда бан дагьал кватIун рукIаниги, тIаде щварал ва саламатаб захIматги цIан цIадул хIенхIал лъугIизариялъе кумекалъе ратарал МЧСалъул ЛъаратIа цIа свинабиялъул хъулухъалъул нарядазе. Балагьал лъагеги, къварилъаби дагьлъаги, хабарал лъикIал гурони рагIугеги.

БАСИР ВА ХIАБИБ КЪУРБАНОВАЛ, ЛЪАРАТIА РАЙОН, НУГIРУХЪ РОСУ