Тавбу гIемер гьабе
Дуниял жибго те, ахират босе,
Аллагьги рекIелъ ккун даимго вукIа.
ЦIикIкIинабе рокьи аварагасде,
Аллагьасе мунги вокьизе вуго.
Тавбу гIемер гьабе, гьеб кIочон тоге,
Аллагьасдехун мун цIакъ хIелун кIалъай.
Бесдалал рохулеб гIамалал гьаре,
Ризкъи цIикIкIун щвезе бокьун батани.
ГIадамазе дуца квербакъи гьабе,
Гьабулеб ишалъулъ кумекги гьабе.
Цебе дур букIараб гIамал хисила,
ГIадамаздехун дур рокьи цIикIкIина.
ХIасуллъиги ина, рекIелъ букIараб,
Аллагьги разилъун кириги щвела.
ЖахIда нахъе ина, гьеб кIочон тела,
Инсанасде бугеб рокьи цIикIкIина.
