Аварагасул ﷺ хIакъалъулъ
Аварагасул ﷺ хIакъалъулъ
Исраъгун МигIражалъул хIакъалъулъ бицараб, машгьурав гIалим Сайид-МухӀаммад аль-ХIасан ГIалавица хъвараб «Ночное путешествие и восхождение лучшего из людей» абураб тIехь къватIибе биччан буго ДРялъул муфтияталъул гIелмияб отделалъ.
Авторас тIехьалда мухӀканго рагьулеб буго гьеб лъугьа-бахъиналъул рухӀияб магӀна, гьелъул иман щула гьабулел ва ракӀал Аллагьасул Расуласде ﷺ рокьиялъ цӀезарулел караматал ва балъголъаби.
Къуръаналъул аятаздасан, кьучӀал хӀадисаздасан, гӀалимзабазул асараздасан пайдаги босун, тӀехьалда гъваридго баян гьабулеб буго бусурбабазул жамгӀияталъе Исраъгун МигӀражалъул бугеб кӀвар ва цоги нухалда такрар гьабулеб буго Аварагасул ﷺ кӀодолъи.
Дагъистаналъул муфтияталъ хӀадурараб гьеб асаралъул мурад буго гӀакълу канлъизаби, напс бацӀцӀад гьаби, щивав муъминчиясда Аллагьасул Расуласдехун ﷺ бугеб рокьиялдалъун Аллагьасде гӀагарлъи ракӀалде щвезаби.
ТӀехь босизе бегьула исламалъул тӀахьазул тукабаздаса.
