Аслияб гьумералде

ЧIарада гьаруна хIасилал

ЧIарада гьаруна хIасилал

ЧIарада районалъул ЦIуриб росдал дом культураялда тIобитIана риидалил гIодоркъояз лъимал мажгит-мадрасабазда цIалун лъугIиялъул исана ахир гьабиялда хурхун тадбир.

Гьеб къо лъималазгун гIахьал гьабизе рачIана гьитIичазул эбел-эменал, Муфтияталъул представителзаби ва районалъул жамагIатчагIи.

Данделъиялда гьаруна риидалил курсазда цIаларал лъималазда гьоркьор тIоритIарал къецазда цересел бакIал ккурал васазегун ясазе гIарцулал сайгъатал. Гьединго, ракIалдещвеялъулал сайгъаталгун баркалаялъул кагътал кьун кIодо гьаруна: «Молодёжь Чарода» попечительского советалъул председатель ИсмагIил ИсмагIилов, районалда вугев рухIияб лъай кьеялъул руководитель Салман Абакаров, ЦIуриб росдал имам Рамазан АхIматIилов, «Инсан» фондалъул районалда ругел хIалтIухъаби ва риидалил курсазда мугIалимлъи гьабурал.

2026-05-15 (ЗулкъагIида 1447 с.) №10.


ХIурматиял лъимал!

Нужецаго рахъарал суратал, кучIдул ва цогидал жал гьаб номералде  +7 988 458 16 63 ритIизе бегьула!       Сусланова ПатIиматзагьра, 6 сон, Калининаул росу. Темирукаев Ибрагьим, 7 сон, Ленинаул росу. ГIабдулгIазизова ГIайшат, 6 сон, ГIочIло росу. Лабибова Самира,...


ЦIияв ректор

Саида Сиражудинова тӀамун йиго Дагъистаналъул гуманитарияб институталъул ректорлъун. Республикаялъул муфти, шайих АхӀмад-афандиясул рахъалдасан баркала загьир гьабуна цеве ректорлъун вукӀарав НухӀкъади БахIмудкъадиевасе, гьес гьабураб хӀалтӀухъ. Баркалаялъул гӀаламат хӀисабалда гьесие сайгъат...


Волейболалъул турнир

1 маялда ХӀебда росулъ тӀобитӀана, СВОялъул бахIарзал ракIалде щвезариялъул хIурматалда, школазул цIалдохъабазда гьоркьоб волейбол хIаялъул рахъалъ къец. Гьеб тадбиралда гIахьаллъи гьабуна ХIебда росдал имам ГIумархIажи МухIаммадхIажиевасги. Жиндирго кIалъаялда гьес киназего гьарана бергьенлъи ва...


Ният халгьабун…

Къокъаб, амма магIна гъваридаб аби буго: «РакIбацIцIалъиялъ, ай ихласалъ гIажаибал жал гьарула», - ян абураб. Гьел рагIабаз мухIканго загьир гьабула муъминчиясул гIумруялъул аслияб магIна. Ахир-къадги исламалда бокьараб гIамалалъе къимат гьабула гьелъул сипат-сураталдалъун яги кIодолъиялдалъун...


ЧIор речIчIиялъул турнир

ГӀахвахъ районалъул гӀадамазда гьоркьоб «Лучник» клубалда тIобитIана чIор речIчIиялъул турнир.  Турниралъул хӀурматиял гьалбаллъун рукӀана МахӀачхъалаялъул централияб мажгиталъул имам ГӀиса Салимсултанов, Шамсудин Шамсудинов - ГӀахьвахъ районалъул имамзабазул советалъул председатель ва «ГIахьвахъ...