Аслияб гьумералде

ТIолгороссиялъулаб форум

ТIолгороссиялъулаб форум

ТIолгороссиялъулаб форум

«Я люблю Россию: Россия - это мы!» абураб ахIиялда гъоркь тадбир тIобитIана МахIачхъалаялда, «Россия - моя история» тарихияб паркалда.

Гьелда гIахьаллъи гьабуна республикаялъул хIукуматалъул органазул вакилзабаз, харабазул советалъул гIахьалчагIаз, диниял хIаракатчагIаз, гIелмияб интеллигенциялъ ва студентаз.

Форум рагьана ДРялъул миллияб политикаялъул ва диниял ишазул министрасул тIоцевесев заместитель Арсен МахIмудовас. Гьес бицана тIобитIулеб тадбиралъул бугеб кIваралъул, хасго гьанже гIадаб захIматаб заманалда цадахъ рекъон хIалтIи гьабизе кколеблъиялда тIадчIейги гьабуна. Цинги кIалъазе вахъана Дагъистаналъул гуманитарияб институталъул ректор НухIкъади БахIмудкъадиев.

Муфтияталъул цIаралдасан кIалъана республикаялъул муфтиясул кумекчи МухIаммад МухIаммадов. Гьес абуна ДРялъул муфтияс киназдего салам битIанин ва бичIчIизабуна исламияб диналъ ракълидеги ритIухълъиялдеги ахIулеблъи.

Тадбиралда кIалъана республикаялъул руччабазул советалъул председатель Интизар Мамутаева, Россиялъул БахIарчи Загьид Загьидов, тахшагьаралъул депутатазул собраниялъул председателасул тIоцевесев заместитель Хиби ГIалиев ва цогидалги. Гьез цокIалго рахъ ккуна улкаялъул президентас ва республикаялъул бетIерас бачунеб бугеб жакъасеб политикаялъул ва киназулго ракIчIезабуна СВОялда нацизмалда тIад Россиялъул армиялъ бергьенлъи босизе букIиналда.

ГIолилазде хитIабгун кIалъана СВОялда вугев гIолиласул эбел ПатIимат Сеферова.

Тадбиралда ахIана ватIан бокьиялде куцалел кучIдулги.

2026-08-01 (Сафар 1448 с.) №15.


Къеч буссинабулеб

Риидал хъарпуз гIемер кванала. Гьелъ къеч буссинаби гуребги, сахлъиялъеги пайда гьабула. Лъим, витаминал, минералазул ва антиоксидантазул къадар цIикIкIараб букIиналъ, хъарпуз рикIкIуна риидалил бищунго сахлъиялъе пайдаял кванил нигIматазул цояблъун.   Хъарпузалъулъ букIуна 90 проценталде...


Тушбабаздехунги букIана гIафву

Аварагзабазул тIабигIа-таздасан ккола хIилму ва гурхIи. Аллагьас ﷻ Аварагасдехун абулеб буго: «Дуца гIадамаздехун гьабулеб гIамалалъулъ бигьаяб, хIеренаб нух тIаса бище ва жагьилал гIадамаздасаги вусса», ай гьез гьабуралда релълъараб ахIмакъаб гьабугейин ва гьезул рагIи-гIамал гIадахъги...


Ургъел щай гьабулеб?

Гьаб заман буго ургъалаби гIемераб. Гьедин бугин абун, нилъ рукIине бегьуларо кидаго рахIатхун. Кинаб хIалалде кканиги, ТIадегIанав Аллагьас ﷻ кумек гьабула. Гьес ﷻ нилъ рехун толаро. Гьес ﷻ нилъее кьун буго хирияб Къуръан ракIалъе сахлъи гьабулеб ва тун руго рикIкIен гIемерал насихIатал хьул...


Дир гьитIинабго насихIат

Нилъер жаниса рахъ дабагъ лъугьиндал, Хвел-хобалъул хIисаб дарулъун ккола. Дуниял течIого хун унел чагIаз, ГIемераб гъапуллъи нахъе хъамула.   ХъантIун тIагIаталъе цере кколеца, Каранда нилъер ракI хIалтIизабула. Гьунар гьезул гIадин гIечIонаниги, Нилъерго кIарчанлъи...


ТалихIкъосин, балагь-къварилъи, унта-щокълъи

Унти буго Аллагьасул ﷻ рахIматазул цояб, гьелъ загьир гьабула инсанасул загIиплъи ва хIалкIвей гьечIолъи. Унти рикIкIуна гIицIго черхалъул къварилъилъун гуребги, иман щула гьабизе бачIараб хIалбихьилъунги мунагьал чурулеб алатлъунги. ХIадисалда бицараб кинниги, унтараб мехалъ сабру гьабиялъ...