Аслияб гьумералде

ЦIияб Гъаякенталда республикаялъулаб мажлис

ЦIияб Гъаякенталда республикаялъулаб мажлис

Гъаякент районалъул ЦIияб Гъаякент росулъ тIобитIана республикаялъул гIалимзабазул мажлис. Гьединаб кIудияб ва кIвар бугеб тадбир районалда тIобитIана тIоцебесеб нухалда.

Гьелда гIахьаллъи гьабуна ДРялъул муфтияталъул председатель ГIабдулла Салимовас, лъай кьеялъул отделалъул нухмалъулев МухIаммад Майрановас, ЦТОялда вугев муфтияталъул вакил ГIабдулла Аджимоллаевас, МахIачхъалаялъул имамзабазул советалъул председатель Даниял Умаиловас, Избербаш шагьаралъул имамзабазул советалъул председатель АхIмад МухIаммадовас, районалъул бетIер МухIаммад Эльдерхановас, районалъул имамзабазул советалъул председатель Салман Насрудиновас.

Республикаялъул батIи-батIиял бакIаздаса рачIаразе вагIза-насихIаталгун цере рахъана машгьурал гIалимзаби ва диниял церехъаби.

Рехсараб тадбиралда хIасилал гьаруна «имамасда цадахъ 40 рогьалил как» абураб конкурсалъул ва тIолалго лъималазе кьуна сайгъатал.

Гьединго данделъаразда гьоркьоб можоро рехана гIумраялъ ине рес кьолеб путевка щвеялъеги.

2026-09-15 (РабигIул ахир 1448 с.) №18.


РакI чIаго гьабулеб

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...


Президентас ХасмухIаммадида баркана

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...


КIудиял мунагьал

МацIихъанлъи гьаби ккола цо чияс абураб жо цогидасда бицин, гьелъ жинда бицарав чиясул жиндаса бицарав чиясдехун дагьабниги рокьукълъи, ракIхвей бижизабулеб бугони. Къуръаналда мацIихъан какун вуго. ХIадисалдаги буго мацIихъан Алжаналде лъугьинарин абун.   Гьел ккола Аллагьасул бищун ццим...


Бусурбабазул тарихчи ва географ

ГIизудин ибну Шаддад ХӀалаби гьавуна Сириялъул ХIалеппоялда бугеб ХӀалаб шагьаралда, 1217 соналъул лъабабилеб зулхӀижа моцIалъ, гьижрияб 613 соналда. Тарихалъул ва географиялъул рахъалъ жиндирго хIалтIабазул кумекалдалъун ибну Шаддад вахъана жиндир гIасруялъул машгьурал тарихчагӀазул...


ХIикматал махлукъатал

КIвахIачал   КIвахIалал абун цIар лъурал хIайванал руго цIакъ хьвади хIинцал жал. Гьез кванала гъотIол тIамхал. Цаби рукIуна бащадал ва цо формаялъул. Цересел хIатIал нахъисездаса халатал руго. Рас буго чахьалдаса мугъзаде сверун бижараб. ЛъикI бихьула, махI бачине кIола, амма гIинда бакIаб...