Форумалда гIахьаллъи гьабуна
Форумалда гIахьаллъи гьабуна
«Сибирь – территория диалога» абураб цIаралда гъоркь Томск шагьаралда тIобитIараб форумалда гIахьаллъи гьабуна Дагъистаналдаса делегациялъги. Гьелъие нухмалъи гьабуна республикаялъул муфтияталъул вакил Шамил ГIалихановас.
Гьединго форумалда гIахьаллъана Россиялъул бусурбабазул РухIияб собраниялъул нухмалъулев, муфти Альбир-хIазрат Кргановас, Томск областалъул губернатор Владимир Мазурица, Сибиралъул бусурбабазул РухIияб идараялъул муфти Зулькъарнай-хIазрат Шакирзяновас ва цогидазги.
Шамил ГIалихановас абуна форумалъул гIахьалчагIазде салам битIанин ДРялъул муфти, шайих АхIмад-афандица ва бицана нилъеца гIумру гьабулеб бугин батIи-батIиял диназул вакилзабаз, миллатаз гIумру гьабулеб улкаялда.
«Нилъ киналго батIи-батIиял ругониги, гIумру гьабулеб буго цо хъизамалъ гIадин. Цолъиялъулъ буго нилъер къуватги. Гьединлъидал нилъеца кIвараб хIаракатги бахъизе ккола рикьалаби гьарулездаса рикIкIад чIезе, гьединазда кколеб рагIи абизе», - ян бицана муфтияталъул вакилас.
