Къуръан цIалиялъул рахъалъ къец

Казбек районалъул Дилим росулъ рагIалде бахъана Къуръан цIалиялъул рахъалъ республикаялъулаб къец.

Къец лъугIиялъул хIасил гьабураб мажлисалда гIахьаллъана муфтиясул заместитель, шаргIиял гIелмабазул доктор АхIмад МухIаммадов, шаргIиял гIелмабазул доктор МухIаммад МухIаммадов, муфтияталъул вакил ИзрагIил МухIаммадбасиров, районалъул имамзабазул советалъул председатель АмиргIали Абубакаров.

Конкурс тIобитIана анлъго номинациялда рекъон.

«Къуръаналъул лъеберабилеб жуз рекIехъе цIали» номинациялда тIоцебесеб бакI ккуна ГIабдула ГIисаевас, кIиабилеб бакI – МухIаммадхIажи Саиповас, лъабабилеб - Зайд Шапиевас.

«Бокьараб щуго жуз рекIехъе цIали» номинациялда тIоцебесеб бакI ккуна МухIаммад Ибрагьимовас, кIиабилеб – МухIаммадгIазиз ГIисаевас, лъабабилеб – Жамалудин ГIалихановас.

«Къуръан рекIехъе цIали» номинациялда тIоцебесеб бакI ккуна ГIамир МухIаммадовас, кIиабилеб бакI – Билял ХIайдарбековас, лъабабилеб – Набиюллагь Къурбановас.

«Берцинго ва битIун Къуръаналъул цо тIамач цIали» номинациялда тIоцебесеб бакI ккуна СалахIудин ГIизудиновас, кIиабилеб бакI – МухIаммад ГIалиевас, лъабабилеб – Шамил Батирмирзаевас. «Берцинго как ахIи» номинациялда тIоцебесеб бакI ккуна ГIали МухIаммадовас, кIиабилеб – АхIмад КъурбанисмагIиловас, лъабабилеб – Шамил Батирмирзаевас.