Аслияб гьумералде

«ГIолохъанав теологасул школа»

«ГIолохъанав теологасул школа»

«ГIолохъанав теологасул школа»

Дагъистаналда бугеб «Каспий» санаториялъул базаялда тIобитIана «Школа молодого теолога» абураб цIаралда гъоркь Халкъазда гьоркьосеб гIолилазул форум рагьиялъул тадбир.

Гьеб гIуцIун букIана Дагъистаналъул гуманитарияб институталъ, лъай кьеялъулгун гIелмуялъул ва исламияб культураялъул фондалъул кумекалдалъун.

Форумалда гIахьаллъи гьабуна пачалихъияб власталъул вакилзабаз, диниял ва жамгIиял гIуцIабазул церехъабаз, гIелмияб интеллигенциялъ ва СМИязул хIалтIухъабаз.

Форумалда гIахьаллъана Москваялдаса, Орелалдаса, Саратовалдаса, Краснодаралдаса, Ставрополалдаса, Татарстаналдаса, Вологдаялдаса, Ульяновскиялдаса ва цо-цо къватIисел улкабаздаса 120-гIанасев чи.

КIалъазе вахъарав ДРялъул миллияб политикаялъул ва диниял ишазул рахъалъ министр Энрик Муслимовас, киназего саламги кьун, абуна: «Нилъер ракI унтизе ккола гIолеб гIелалда хадуб. Гьел битIараб нухде ккезариги буго нилъеда тIадаб иш. Теологиялъул хIакъалъулъ абуни, жакъа гьеб буго бищун кIвар бугеб профессия. Теологасда лъазе ккола гIемераб жо ва гьев вукIине ккола сундулъго цеветIуравлъун», - ян.

Республикаялъул муфтияталъул председатель ГIабдула Салимовас бицана цо-цояз цIакъ хIаракат бахъулеб бугин нилъер улкаялда терроризмалъулгун экстремизмалъул идеяби рилълъанхъизариялъул мурадалда, динги гьоркьобккун, хIалтIи гьабизе.

«Хасго гьеб къагIида загьирлъана СВО байбихьаралдаса. Амма нилъер масъала буго гьединал ишаздаса ва гIадамаздаса нилъерго дин цIуни, хасго гIолохъабазул лъайги хIалтIизабун. Гьеб ишалъулъ нилъ нахъе къан чIезеги бегьуларо», - ян кIалъана ГIабдула Салимов.

 

2026-09-01 (РабигIул аввал 1448 с) №17.


Рокъоб мавлид гьабиялъул даража

Абубакр Сидикъас абуна: «Мавлидалъе цо диргьам жинца кьурав чи Алжаналъув дир гьалмагъ вуго», - абун.   ГIумарица абуна: «Аварагасул ﷻ мавлид жинца кIодо гьабурав чи, ислам чIаго гьабурав чи вуго», - ян. ГIусманица абуна: «Мавлид цIализе цо диргьам жинца кьурав...


Суал-жаваб

Насвай хIалтIизабун хадуб кIалги ххуличIого ялъуни гьебги чвантиниб лъун бараб как рикIкIунищ? Лъалеб жо буго хъалияналъги, насваялъги ва гьелда релълъарал цогидал жалазги чорхое зарал гьабулеблъи. Гьел жал хIалтIизариги шаригIаталда мунагьлъун рикIкIуна. Пуланав чи ватани гьединал жалаздаса...


Пашманлъи тIаса инабулеб

ТIадегIанав Аллагьас инсанияталъе гIемерал нигIматал рижун руго. Хирияб Къуръаналда хъван буго (магIна): «Гьев инсан кин валагьуларев Аллагьас ﷻ жиндие ризкъилъун кьун бугеб батIи-батIияб тIагIамалде». (Сура «ГIабаса», 24 аят).   Гьел нигIматазул цояб ккола хъабахъ....


Курми росдал къо

Курми росулъ тӀобитӀана росдал къоялда хурхун байрамалъулаб тадбир. Гьеб къоялъул аслияб лъугьа-бахъинлъун букӀана щивав чияс жидерго къуват, гьунар, бергьенлъи босизе бугеб гъира бихьизабизе рес кьураб спортивияб къец. Гьелдаса хадуб киналго гьалбал кваназаруна ва цо-цо церехъабазе кьуна...


Дагъистаналъул муфти дандчIвана

Дагъистан Республикаялъул муфти, шайих АхӀмад-афандица Россиялъул Федерациялъул батӀи-батӀиял регионазда хӀалтӀулел Дагъистаналъул хӀукуматалъул вакилзабазулгун тӀобитӀана дандчӀвай. Гьеб тадбиралда гӀахьаллъана Россиялъул регионазда ва къватӀисел пачалихъазда гӀумру гьабулел дагъистаниязулгун...