Аслияб гьумералде

Муфтияталъул вакиласе ва «Каспий» батальоналъул вукӀарав имамасе медалал кьуна

Муфтияталъул вакиласе ва «Каспий» батальоналъул вукӀарав имамасе медалал кьуна

Гъизляр районалда, Дагъистаналъул бетӀер Сергей Меликовасул гӀахьаллъигун, тӀобитӀана РакӀалдещвеялъулаб ах рагьиялъулаб тадбир.

Мемориалиял хъарщазда хъван руго батӀи-батӀиял бакӀазда улкаялъул хӀинкъигьечӀолъиялъе ва лъидаго бачӀеблъиялъе гӀоло гӀумру кьурал лъабазаргоялдаса цӀикӀкӀун районалъул гӀадамазул цӀарал.

Гьединго, рехсараб тадбиралда тӀобитӀана СВОялъул бахIарзазе ва «Каспий» абураб волонтеразул батальоналъул ветераназе шапакъатал кьеялъулаб тадбир.

Россиялъул президент Владимир Путинил указалдалъун, «Каспий» батальоналъул вукӀарав имам МухӀамад Ражабовасе кьуна «За отвагу» абураб медаль. ДРялъул бетӀер Сергей Меликовасул указалдалъун, МухӀамад Майрановасе кьуна Амет-Хан СултӀанил цӀаралда бугеб «ГӀолохъабазе ватӀан бокьиялъул тарбия кьеялъулъ лъураб бутӀаялъухъ» медаль.

Гьениб гIахьалчагIазде хитӀаб гьабулаго, Сергей Меликовас абуна: «Нужеца хӀукму гьабуна ВатӀан цӀунулезул кьеразулъе лъугьине. Ва гьединаб хIукмуги гьабуна нужеца жавабчилъиги кIварги бичӀчӀун. Баркала буго нужее ВатIаналда цебе гьабулеб хъулухъалъухъ», - ян.

2026-03-15 (Шаввал 1447 с.) №6.


Муфтияталъул вакилзабазулгун дандчIвай

Буйнакск районалъул администрациялда тӀобитӀана районалъул бетӀерасул ишал тӀуразарулев Маликов Табиридаги гьенире рачӀарал Динияб идараялъул вакилзабаздаги гьоркьоб данделъи. Гьоркьор лъунги рукIана цадахъ рекъон хӀалтӀи гьабиялда хурхарал суалал. Данделъиялда гӀахьаллъана Буйнакск шагьаралъул ва...


Камил гьабила

ГIибадат гьабиялъулъ тамахлъи лъугьиналъ жанисеб бацIцIалъиялъеги чучлъи лъугьуна. Амма инсанас гIемер гIибадат гьабунагIан, рухIияб рахъги камиллъула. Диналъ нилъее, гIибадаталда даимго рукIинедухъ, Аллагь рази гьавизе хIаракат бахъиялъул мурадалда кьун руго паризаял гурелги гIамалал...


МацIалъул хIинкъи

МацI ккола ТIадегIанав Аллагьас инсанасе кьурал бищунго кIудиял нигIматазул цояб. Гьелдалъун гIадамаз бухьен гьабула, гIелму бикьула, цоцазе квербакъула, Аллагь рехсола. Амма гьебго мацIалъги рачине бегьула кIудиял мунагьазде ва квешал хIасилазде, гьабулеб каламалда хадуб...


Иргадулаб кумек

Хасавюрт районалъул ва шагьаралъул имамзабазул советалъул председатель Аргъваниса МухIаммадил хIаракаталдалъун, иргадулаб кумек битIана СВОялда ругел нилъер рагъухъабазе. Районалъул имамзабазул советалъул председателас, гьеб лъикIаб ишалда гIахьаллъи гьабунщиназе, ракI-ракIалъулаб баркалаги кьун,...


СВОялъулазе кумек гьабу-ралъухъ медал

Хасаб рагъулаб операциялъул гӀахьалчагӀазе гьабураб ва гьабулеб бугеб квербакъиялъухъ жамгӀияб шапакъат кьуна Дагъистаналъул муфтиясул гӀакълучи ГIайна ХIамзатовалъе.   РФялъул «Хранители России» абураб жамгӀияб гIуцIиялъул хӀукмуялдалъун гьелъие кьуна «За вклад в победу СВО» абураб...