Аслияб гьумералде

Африкаялъул делегация – муфтиясухъ гьоболлъухъ

Африкаялъул делегация – муфтиясухъ гьоболлъухъ

Африкаялъул делегация – муфтиясухъ гьоболлъухъ

ЦерегIанго къоязда Дагъистаналъул муфти, шайих АхIмад-афанди дандчIвана Нигериялдаса, Сьерра-Леоналдаса, Бангладешалдаса, Ливаналдаса ва цо-цо цогидалги улкабаздаса гIолилалгун.

Африкаялъул улкабаздаса гIолилазул делегация республикаялде бачIун букIана «Познакомьтесь с Россией» абураб регионалияб программаялда рекъон.

Дагъистаналде рачIарал гьезие цIакъ бокьана республикаялъул муфтигун дандчIвазеги.

Делегациялда гъорлъ вукIарав Нигериялъул муфтиясул вас ГIабдулфатахI аль-ХIусайница абуна лъикIаб букIинаанин Дагъистаналдаги Африкаялъул улкабаздаги гьоркьор бухьенал чIезаруни, ай кIиябго бакIалда ругел бусурбабазе пайдаялъе рукIине. Шайих АхIмад-афандица гьеб пикруялъул рахъккуна ва чара гьечIого бухьенал чIезариялда тIад хIалтIизе кколин абуна.

КъватIисел улкабаздаса рачIарал гьалбалгун АхIмад-афанди дандчIвана ГIиса аварагасул цIаралда балеб бугеб рухIияб централда ва гьениб гьалбадерие экскурсияги гьабуна, гьеб балеб бакIалъул кIваралъулги бицана.

Делегациялъул цо вакилас Дагъистаналъул муфтиясда гьарана жиндир ватIаналдаги мажгит баялъе квербакъи гьабейин абун. Муфтияс рагIи кьуна кIвараб жигар бахъизе ва, тIадежоялъе, мадраса баялъеги бажарараб иш гьабизе.

2026-09-15 (РабигIул ахир 1448 с.) №18.


Нужее баяналъе

Авараг гьавураб сон щиб сон букIараб? – Пилалъул сон. Пилалъул сон абун щай гьелда цIар тараб? – Гьеб соналъ Абрагьат аскаргун ва пилалги рачун КагIба биххизе вачIун вукIана. Аварагасе ﷺ кьураб бищун кIудияб мугIжизат щиб букIараб? – Къуръан. Муса аварагасул...


Мадраса рагьана МагIлибги

Хьаргаби районалъул МагIли росулъ рагьана цIияб мадраса. Гьелъие цIарги кьуна Дагъистаналъул муфти, шайих АхIмад-афандиясул. Мадрасалда чIезарун руго киналго шартIал. Руго цIалул кабинетал, библиотека ва мутагIилзабазе хIажатабщинаб. Мадраса рагьиялъул хIурматалда тIобитIана динияб мажлисги....


Египеталде сапар

Египеталде сапаралъ араб Дагъистаналдаса делегация дандчӀвана Вакъфазул рахъалъ министр Усама ал-Азгьаригун. Дагъистаналъул делегациялда гъорлъ рукӀана: ДРялъул диниял суалазул ва миллияб политикаялъул министрасул заместитель ТӀагьир Сутаев, министрасул кумекчи ГӀабдулбасир Абакаров, ДРялъул...


ОРВИялде данде

Щибаб санайил дунял квачазе байбихьидал, цIикIкIуна вирусалъулаб инфекциялъ (ОРВИ) унтаразул къадар. Хасго гIадамал унтула хаслихълъиялдаса бахъараб ихдалил байбихьуде щвезегIан. Гьединлъидал гьеб заманалда жаниб кIвар бугеб жо ккола унтул аслиял гIаламатал лъай.   ОРВИ ккола батIи-батIиял...


Щай рахъунел?

Мавлид ахIулеб заманалда бусурбабазда гьоркьоб машгьураб гIадат буго, МухIаммад авараг ﷺ гьавураб лахIзаталъул ахIулелъул, киналго тIаде рахъунеб. Гьебги гьабула Аллагьасул Расул вокьиялъул, рохелалъул, гьесие гьабулеб адаб-хIурматалъул гIаламат хIисабалда.   Гьеб гIадат къабул гьабурал...