Аслияб гьумералде

ГIолохъанал гIалимзабигун дандчIвана ГIолилазул форум

ГIолохъанал гIалимзабигун дандчIвана ГIолилазул форум

ГIолохъанал гIалимзабигун дандчIвана ГIолилазул форум

Гьал къоязда Хасавюрт шагьаралда тӀобитӀараб, Саидбег Даитовасул цӀаралда бугеб къецалда бергьарал гӀолохъанал гӀалимзабазегун хӀафизазе гьоболлъи гьабуна Дагъистан республикаялъул муфти, шайих АхӀмад-афандица.

Данделъиялда шайих АхӀмад-афандица баркана щварал бергьенлъаби ва бицана диналъе хъулухъ гьабиялъулъ гӀелмуялде бугеб гъираялъул ва ракӀбацӀцӀалъиялъул кӀваралъул. Муфтияс тӀадчӀей гьабуна гьединал къецаз квербакъи гьабулеб бугин гӀалимзабазул ва хӀафизазул цӀияб гӀел куцаялъе, гӀолилазул динияб лъаялде рокьи щулалъиялъе, Дагъистаналъул бечедаб рухӀияб ирс цӀуниялъе хъулухъ гьабулеб букӀиналда. Гьединго баркала кьуна гӀуцӀарухъабазе гьединаб къец тӀобитӀаралъухъ.

РакӀалде щвезабун абуни, конкурсалда бергьана МухIаммаднур Рашидов, МахӀмуд ГъазимухӀаммадов. Гьел кӀиялго ккола шайих МухӀаммадгӀарифил цIаралда бугеб исламияб университеталъул студентал.

2026-06-01 (ЗулхIижа 1447 с.) №11.


ГӀараб мацӀалда мажлис

ДагъОгни шагьаралда бугеб шайих МухӀаммад-афанди Ярагъиясул цӀаралда бугеб мадрасалда тӀобитӀана гӀараб мацӀалда гӀелмуялъул мажлис. Гьелда гӀахьаллъана профессорал, студентал, гьалбал. ГӀемерал гӀасрабаз Дагъистаналда бусурбабазул диниябгун маданияб нахърателалъулъ кӀвар бугеб бакӀ кколеб гӀараб...


ТӀабигӀияб балагь – халкъалъул хӀалбихьи

2026 соналъул март-апрелалда Дагъистаналда рарал чвахунцIадазул хIасилалда ккарал лъугьа-бахъинал регионалъе бищун захӀматал тӀабигӀиял балагьазул цояллъун лъугьана.   Республикаялъул цо чанго шагьаралдагун росабалъ гIемерал гIадамал хутIана жанире руссине рукъзал гьечIого, хвезаруна гьезул...


ШайтIаналдаса гIамал

Ццим бахъин ккола инсанасул тIабигIияб рекIел хIал, нилъер диналда жибги муъминчиясе кIудияб хIалбихьилъун рикIкIунеб. Ццим бахъун лъугьараб заманалда жиндаго тIад кверщел гьабизе бажари ккола, хирияв Аварагас ﷺ абураб кинниги, черхалъул загьирияб гуреб, унго-унгояб къуваталъулаб (рухIияб)...


Лъим кIанцIи

Март моцIалъул къоло ичIабилеб къо, Къаси бачIун щвана Бичасул салам. Сабурго жамагIат къватIиб бахъана, Берцинаб тIабигIат бихьизабуна.   БачIун щун бугелъул, щиб гьабилебан ХасмухIаммадихъе хабар битIана. Гьес «истихфар» гьабун жаваб бачIана Бажарарав чияс росу...


Салаваталъул хиралъи

Салаваталъул хиралъиялъул хIакъалъулъ рачIарал хIадисал гIезегIан руго. Бокьун буго салават цIалиялъул хIикмат рехсезе. Аварагасде ﷺ салават битIи ккола ТIадегIанав Аллагьасде ﷻ гIагарлъиялъе ва Гьесул амру тIубаялъе бищунго кIвар бугел нухазул цояб.   Салават цIалулеб мехалъ кIвар...