Аслияб гьумералде

ДРялъул муфти дандчӀвана бахӀарзалгун

ДРялъул муфти дандчӀвана бахӀарзалгун

Дагъистан республикаялъул муфти, шайих АхӀмад-афанди дандчӀвана къварилъиялде ккаразе кумек гьабизе гӀедегIарал гIолохъабигун.

Дагьалъ цебе МахӀачхъалаялда ккана талихIкъосараб лъугьа-бахъин. Машина бортун букӀана Октябралъул революциялъул цIаралда бугеб каналалъубе (КОР).

Гьелда рекIун рукIарал хвасар гьаризе рортана гьеб бакIалда аскIосан унел рукIарал гIолохъаби ва жидеего бугеб хIинкъиялъухъ балагьичIого, гьез хвасарги гьаруна машинаялда рекIун рукIарал.

Гьел бахӀарзазде хитӀаб гьабулаго, шайих АхӀмад-афандица тӀадчӀей гьабуна гьезул бахӀарчилъиялда, бицана кире кканиги ва кинаб хIалалда ругониги бусурбабаз цоцазе кумек гьабизе кколеблъиялъул.

Муфтияс баркала загьир гьабуна гӀолохъабазе ва гьарана икъбалгун талихIаб гIумру.

2026-09-01 (РабигIул аввал 1448 с) №17.


«Ас-саламалъул» мажлис

Каспийск шагьаралда тӀобитӀана «Ас-салам» газета цӀалулезулгун дандчӀвай. Гьеб тадбирги тIобитIана баракатаб рабигIул аввал моцӀалъул хIурматалда. «Ас-салам» ккола тIолабго улкаялда ва гьеб бахун къватIибги лъалеб басма. Гьединлъидал гьелдехун гьабулеб бербалагьиги букIуна...


ХIасил щиб ккараб?

АлахIамдулиллагь, щибаб рецц Аллагьасе ﷻ, ракI бохулеб, черхалъе гьайбатаб асар гьабулеблъун букIана риидалил гIодоркъоязда Къуръан цIализе, как базе, тIабигIат берцин гьабизе, дарсазде хьвадун, лъималаз мажгитал цIун рукIараб заман.   Лъимал руго нилъер берзул канлъаби, рухI кьунги гьезие...


Лъаялъул байрам

Хъумторхъала райналъул ракьалда бугеб ЦIияб ГIурада росулъ тIобитIана лъай кьеялъул ва рухIияб тарбия щвеялъул мурадалда гIуцIараб байрам. Гьениб росдал лъималаз ва гьидерил росабалъа рачIарал гьитIичаз бихьизабуна жидерго лъай. Гьез цIалана Къуръан ва кьуна батIи-батIиял гIелмиял суалазе жавабал.


ДугIаялъул хиралъи

ДугIа гьаби ккола гIибадаталъул ракI гIадаб жо. ДугIа гьабиялда жаниб лагъас жиндирго мискинлъи, гIодовегIанлъи, Аллагьасде ﷻ живго хIажалъи, Аллагьасул ﷻ бечелъи загьир гьабулеб буго. Кинабго жоялъулъ Аллагьасде ﷻ гьардолел рукIине ккола. Нилъее, Аллагьас ﷻ кьураб гурони, щибго жо...


ХIикматал махлукъатал

Попугай ччугIа Пляжал гIуцIулеб. Гьеб ччугIил щибаб чIандероялда руго нус-нус гьитIинал, горал гIадал жал цоцалъ щулаго гъункун лъугьарал, гозоялъул кинниги сипат бугел цаби. Цабиги руго батIи-батIияб маххалдасаги къвакIарал. Цабзаздалъун гьез кораллал къунцIула. Габуралъул рахъалдаги руго жеги...