Аслияб гьумералде

СагIудиязул вакилзаби – Дагъистаналда

СагIудиязул вакилзаби – Дагъистаналда

СагIудиязул вакилзаби – Дагъистаналда

СагIудиязул ГIарабиязул Къираллъиялъул делегация бачIана Дагъистаналде. Гьелъие бетIерлъи гьабуна ХIежалъул ва гIумраялъул ишазул министр Тауфикъ Фавзан ал-РабигIаца.

Гьединго, делегациялъул къукъаялда гьоркьор вукIана Къираллъиялъул Россиялда вугев посол ГIабдурахIман ал-АхIмад ва сагIудиязул авиалиниязул генералияв директор Ибрагьим бен ГIабдурахIман ал-ГIумар.

МахIачхъалаялъул аэропорталда гьезда дандчIвай гьабуна республикаялъул бетIер Сергей Меликовас, сенатор Ильяс ГIумахановас, ДРялъул пачалихъияв секретарь МухIамад-Султан МухIамадовас.

МахIачхъалаялда, Гьудуллъиялъул минаялъуб, сагIудиязул делегациялъул вакилзабазулгун данделъиги тIобитIана. Гьелда гIахьаллъи гьабуна, тIадехун рехсараздаго цадахъ, республикаялъул муфти, шайих АхIмад-хIажи афандица, Россиялъул ХIеж-миссиялъул нухмалъулев ХIизбула Асуевас, «Марваялъул» генералияв директор Булат Къурбановасгун цогидазги. Гьез бицана Дагъистаналдаса хIежалде гIадамал ритIиялъул ва дандчIвалел цо-цо захIмалъабазул хIакъалъулъ, гьединго, СагIудиязул Къираллъиялъги Дагъистаналъги цадахъ рекъон гьаризе бегьулел ишазул.

2026-07-01 (МухIаррам 1448 с.) №13.


ТIаса лъугьайин гьарилищ?

Гъибат-бугьтан гьаби ккола мацIалъ гьарулел мунагьазул бищунго гIемеразул цояб. ГIемерисеб мехалъ инсанас бигьаго абула диналъул вацасул яги яцалъул хIакъалъулъ рагIаби, ТIадегIанав Аллагьасда цебе гьеб мунагь кигIан кIудияб букIине бегьулебали хIисаб гьабичIого.   ТIадегIанав Аллагьас ﷻ...


Аварагасги ﷺ тIадчIей гьабулеб букIараб

Къунуталъ (магьдина) какилъ хасаб бакI ккола ва гьеб ккола ШафигIияб мазгьабалда бищунго кIвар бугел суннатазул цояб. Гьеб буго рогьалил какил кIиабилеб ракагIаталда, рукугIалдаса хадуб цIалулеб хасаб дугIа. Гьединго къунут цIалула витрулъул какда, рамазан моцIалъул ахирисеб бутIаялда ва балагь...


Рецц-бакъ гьабизе бокьи

Бахчараб ширкин абулеб гIамал ккола лъикIал гIадамазда бихьизелъун, гIамалал рихьизелъун, халкъалъ рецц гьабизелъун гьабулеб ишалда. Гьеб рекIел унтиялъ инсан вачине бегьула ахираталда кири щвеялдаса махIрум гьавиялде, гьабураб гIибадат чIобогояб, пайда жиндаса щвечIеблъун гьабиялде.   Гьеб...


ГIолохъанал гIалимзабигун дандчIвана ГIолилазул форум

Гьал къоязда Хасавюрт шагьаралда тӀобитӀараб, Саидбег Даитовасул цӀаралда бугеб къецалда бергьарал гӀолохъанал гӀалимзабазегун хӀафизазе гьоболлъи гьабуна Дагъистан республикаялъул муфти, шайих АхӀмад-афандица. Данделъиялда шайих АхӀмад-афандица баркана щварал бергьенлъаби ва бицана диналъе...


ЛъикIалъе аслу

Аварагас ﷺ абунин имам Муслимидасан бицун буго: «БетIергьан Аллагь ﷻ вацIцIадав вуго, бацIцIадаб гурони Жинца къабулги гьабуларо. Аллагьас ﷻ муъминзабазде, расулзабазда амру гьабуралдалъун амруги гьабуна “Ва, гьал расулзаби, нужеца бацIцIадаб кванай ва лъикIал гIамалалги гьаре”,...