Аслияб гьумералде

Президентас ХасмухIаммадида баркана

Президентас ХасмухIаммадида баркана

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо.

Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна Совет хӀукуматалъул заманалда, дандчӀвана тӀарикъаталъул кӀудиял шайихзабигун, камуна кӀиго вас, гьезул цояв вукӀана республикаялъул муфтилъун.

Жакъа, 95 сон барав ХасмухӀаммад, гӀумру гьабун вуго МахӀачхъалаялда. ГIемерисеб заман тIамула мажгиталъуб. Гьесул гӀакълу буго бацӀцӀадаб, рагӀи - гӀакъилаб, ракI - иманалъул цӀураб. Президентасул баркиялъулаб телеграммалда хъван буго: «Хирияв ХасмухIаммад Абубакаров! Дица ракӀ-ракӀалъ баркула дуда гьавураб къо! Дур гӀелалъ хӀехьана захӀматал къварилъабиги, унго-унгоял тарихиял бергьенлъабиги. Дуца ва дур гьалмагъзабаз намус бацIцIадго хъулухъ гьабуна ВатӀаналъе. Жакъа нужер гӀумруялъул сапар, ватӀаналде бугеб рокьи, ракӀбацӀцӀалъи ккола гӀолилазе, нилъее киназего мустахӀикъаб мисаллъун. Гьарула дуе щулияб сахлъи ва кинабго лъикӀабщинаб».

Россиялъул президентасул барки – гьеб ккола ХасмухӀаммад Абубакаровасул гӀумруялъе, рухӀиял гӀадатал цӀуниялъулъ, гӀун бачӀунеб гӀелалъе тарбия кьеялъулъ гьес лъураб бутӀаялъе кьураб тӀадегӀанаб къимат.

2026-09-15 (РабигIул ахир 1448 с.) №18.


Нужее баяналъе

Авараг гьавураб сон щиб сон букIараб? – Пилалъул сон. Пилалъул сон абун щай гьелда цIар тараб? – Гьеб соналъ Абрагьат аскаргун ва пилалги рачун КагIба биххизе вачIун вукIана. Аварагасе ﷺ кьураб бищун кIудияб мугIжизат щиб букIараб? – Къуръан. Муса аварагасул...


Ракьулъ бижулеб гIурдахIан

Камъат (гIараб мацIалда факъгI абунги лъала, гIурус мацIалда трюфель) ккола ракьулъ бижулеб кваназе бегьулеб гIурдахIан. Хасго гьеб гIемер батула ГIагараб Машрикъалъул ва Шималияб Африкаялъул авлахъазул гIатIилъабазда, гьениб гьеб загьирлъула цIад бан хадуб. Гьеб гIажаибаб ракьалъул нигIматалъе...


Ахиралде щвана

Баракатаб РабигӀул аввал моцӀ ахиралде щвана. Гьаб моцӀги Авараг ﷺ гьавураб къоги, цогидал моцӀал гӀадин нилъеца тӀобитӀичIо. Цогидаб заманалде ккун гьаб моцIалъ чияс дагьаб бугониги цӀалун батани Аварагасул ﷺ хӀакъалъулъ, абизе бегьула гьес хайир босанин.   ГӀумруялъ гьесул хӀакъалъулъ цӀаланиги...


Авараг ﷺ лъай – гьев вокьи

Аллагьасул Аварагасде ﷺ бугеб рокьиялъ гьесул асхIабзабазул ракIазулъ хасаб бакI кколаан. Гьеб рокьи гьез загьир гьабулаан рагIудалъун ва пишабаздалъун гуребги Аварагасул ﷺ къадру цIунулел, гьесул лъикIлъаби рицунел, гьесул тIокIаб гIамал-хасият беццулел шигIрабаздалъунги.   АсхIабзабазда...


Египеталде сапар

Египеталде сапаралъ араб Дагъистаналдаса делегация дандчӀвана Вакъфазул рахъалъ министр Усама ал-Азгьаригун. Дагъистаналъул делегациялда гъорлъ рукӀана: ДРялъул диниял суалазул ва миллияб политикаялъул министрасул заместитель ТӀагьир Сутаев, министрасул кумекчи ГӀабдулбасир Абакаров, ДРялъул...