Аслияб гьумералде

Гъанкъулев вукIарав хвасар гьавуна

Гъанкъулев вукIарав хвасар гьавуна

Гъанкъулев вукIарав хвасар гьавуна

Хасавюрт районалъул ЦIияб Сасикь росдал школалъул анкьабилеб классалъул цIалдохъан МухIаммад-ГIариф ХIажиевас хвасар гьавуна лъелъ гъанкъулев вукIарав гьитIинав вас.

«Дун унев вукIана дарсазде. Пуланаб нахдасан ине кколев вукIарав дун, щаялиго, батIияб нухде сверана. Цо заманалдасан рихьана лъимал ва гьез ахIи балеб букIана. Балагьидал, цояс ккун вугоан цогидав вас, амма гьесул къуват гIолеб букIинчIо гьев лъелъа къватIиве вахъизе. Дида ккана гьел цо кинаб бугониги хIай гьабулел ратилин абун», - ян бицана МухIаммад-ГIарифица.

АскIове щведал баянлъана кинабго ва сундухъго балагьичIого МухIаммад-ГIариф лъелъе кIанцIана. Кквезе щвана гьитIинав вас ва хIалицаго вахъана къватIиве.

«Дица гьев къватIиве вахъидал гьес хIухьел цIалеб букIинчIо. Цинги дица гьесул каранде тIаде цуна ва гьесул кIалдиса къватIибе бурун бачIана лъим. Хадуб дица гьев, гьуърал хIалтIизе рукIине, хьибилалда вегизавуна. Гьеб мехалда гьес бералги рагьана», - ян бицана гьитIинав бахIарчияс.

Гьеб иш бихьана аскIосан унев вукIарасда ва гьес хехго лъимер больницаялде хъамуна.

ПалхIасил, МухIаммад-ГIарифил таваккалаб ишалдалъун лъабго сон барав ГIабдулкъадир чIаго хутIана.

13 сон барав МухIаммад-ГIариф ХIажиев ккола ккола Агул районалъул Рича росулъа. Школалъул цIалиялдаго цадахъ гьес рекIехъе лъазабулеб буго Къуръанги.

2026-03-15 (Шаввал 1447 с.) №6.


«Шукруялъул мажлис»

Рамазан моцIалъул хIурматалда, Унсоколо районалъул ХъахIабросулъ тIоби-тIана «Шукруялъул мажлис» абун цIар лъураб руччабазул данделъи.   Гьениб лъималаз ри-кIкIана кучIдул, ахIана нашидал, бихьизабуна ясал цадахъ кIал биччазе иналъул ва цоцазул тIалаб гьабиялъул хIакъалъулъ...


РитIухълъиялъул аслу

Халкъазда цебечIарал масъалабазул цояб ккола адаб гьечIолъи. Хасго гьеб загьирлъула гӀолеб гӀелалда гьоркьоб. Адаб-хӀурмат, яхӀ-намус ккола сахаб жамгӀият букIиналъе лъолеб кьучӀалъул цояб. ГIемерисел масъалаби, захIмалъаби, ритӀухълъи гьечIолъи бугелъулха адаб гьечIолъиялъул...


ХIурматиял лъимал!

Нужецаго рахъарал суратал, кучIдул ва цогидал жал гьаб номералде +7 988 458 16 63 ритIизе бегьула!     ГIабдулгъаниев Расул, 7 классалъул цIалдохъан, Хунзахъ росу. ГIабдулкъадиров МухIамадрасул, 7 классалъул цIалдохъан, Хунзахъ росу. ГIабдурахIманов Сайфуллагь, 9 сон, ТIохьотIа...


Цолъиялъулъ букIуна баракат

Шамил районалъул Гъоркьа Бакълъухъ росдал жамагIатгун дандчIвана ДРялъул муфтиясул заместитель Насрула Абубакаров, миллияб политикаялъул рахъалъ министерствоялъул ва районалъул администрациялъул вакилзаби. Гьениб бицана цоцазе кумек гьабизе, цадахъ рекъон вацлъиялда рукIине ва хасго гьаб рамазан...


Рагъухъабазе кумек гьабулеб ателье

ГӀумарасхӀабги гьесул лъадиги руго нилъер рагъухъабазе кумек гьабулел чагIи. Гьез гьабулеб ишалъул хIакъалъулъ рагIидал, ният ккана гьезухъе щвезе ва гара-чIвари гьабизе.    – ГIумарсхIаб, рагъухъабазе кумек гьабизе ккелин абураб пикруялде кин нуж кантIарал? - Нижер буго «Баракат» абун цIар...