Бусурманчиясул сипатал

Бусурманчиясул сипатал

Аллагьасукьа хIинкъулев, каккӀалалда даимав, кидаго какичуриялда вукIине хIаракат бахъулев. ГӀужда как балев, кванде квер бегьилалде Бисмилагь бахъулев, эбел-инсул адаб ккурав, тIабигIат берцинав, x1арамалдаса рикIкIад чIарав, хIалалалда къвал барав, рекIелъ жахIда гьечIев, хъантIи гьечIев, хIакимзабазе хIелуларев, гьезие хIелун хъулухъазда хадув лъугьунарев, жиндиего бокьулареб цогидазе гьабуларев, Myx1амадил умматалдаго Аллагь гурхIагиян дугIаялда вукIунев, сахлъиги paцlaлъиги цIyнарав, заман гIадада биччаларев, гIелмуялда хадув лъугьарав, буголъи исрап гьабуларев, садакъа кьолев, росужамагIаталда гIамал рекъезабулев, чIyхIиги гIамалкIодолъиги жиндилъ гьечIев, кьураб рагIуе хисуларев, бицунебги гьабулебги данде кколев, тIад къараб ва тIаде босараб хIалтIи ракIбацIцIадго тIубазабулев.

Щибаб къоялъ напсгун къеркьолев, кIудиязул адаб ккурав, гьитIиназул хъатир бугев, хваразде зиярат гьабулев, рузман сордо чIаго гьабулев, гъибат гьабуларев, гьереси бицунарев, хIакъаб рагIи бадибе абулев, щибаб къоялъ Къуръан цIалулев, Аллагь цо гьавулев, Авараг ритIухъ гьавулев. Цо кIудияв гIалимас абулаан: «ТIахьазда хъван буго цо заман бачIинин гъалбацIазyл pyкIниреги лъугьун гIанкIал жал гъалбацIалилан чIараб. Гьединавлъун унго-унгояв бусурманчи вукIине бегьиларо», - ян.

МУХТАР САГIИДОВ, ГУМБЕТ РАЙОН, ГЬОРКЬ-ИНХО РОСУ