«Ас-саламалъул» гьудул
Болъихъ районалъул ГIалахъ росулъа ХIасан гьавуна 1951 соналда. 1973 соналдаса нахъе гIумру гьабун вуго Бабаюрт росулъ. ГIолохъанаб мехалда хIалтIана трактористлъун, ралел бакIазда ва ахираб лъеберго сон буго гIи-боцIул тIалаб-агъазалда вугелдаса.
- ХIасан, «Ас-салам» казияталъулгун кин лъай-хъвай ккарабали бицани бокьилаан.
- Гьеб къватIибе биччазе байбихьаралдаса нахъе гьабулеб буго подписка. Халкъалда гьоркьоб тIибитIизабизеги квербакъи гьабула. Жакъа дица бикьула 230 казият. Нижер росулъ гIемерисел гьеб хъвалел чагIиги лъарагIал руго.
- ТIарикъаталъул нухде кинха ккарав?
- 1992 соналда Чачаналъе ун вукIана тIарикъат босизейинги абун. Амма ТIадегIанав Аллагьас ﷻ биччачIо гьениса гьеб босизе. Гьебго соналъ гIагарай гIадан хун зигараялъ индал, дандчIвана ЦIумилухъа МухIаммад. Гьеб букIана лъабмоцIил кIал ккураб заман. Гьесулгун хабар ккедал, гьес абуна кIалккун моцI лъугIидал ЧIикIаве, СагIид-афандиясухъе айилан. Аллагьасе ﷻ буго щибаб рецц.
- Казият гьоркьобккун кинаб гьара-рахьи гьабилеб?
- Гьарила сахлъи ва щулияб иман. «Ас-салам» ккола гIелмабазул гъамас. Щивасул рокъоб букIине мустахIикъабги буго гьеб.
