Аслияб гьумералде

Эбел хвараз вас хвасар гьавуна

Эбел хвараз вас хвасар гьавуна

19 июлалда Казбек районалъул Инчха росулъ Пайзулаева ПатIиматги хун тагIзияталда рукIана. Къалъудаса хадуб кавудухъе векерун вачIана цо гьитIинав вас, хIоринив цояв гъанкъулев вугиланги ахIдолаго.

ТIоцеве гьев вихьарав Сайпудин-хIажияв векерун ана кив гьев вугевиланги ахIулаго. ГьитIинав васас рикIкIадасанго вихьизавуна лъелъе тIерхьун унев МухIуев ГIумар. Хехго лъелъеги кIанцIун, Сайпудиница гьесул гъеж ккуна ва эхедеги ворхун, мугъалдехун вуссинавуна.

Живгойин абуни дагь-дагьккун лъелъе тIерхьун ана. Гьеб параялъ лъедун тIаде щвана Сайпудинил гьаркьазухъе векерун вачIарав вац, ХIизбуллагь-хIажиги, Россиялъул хIежмиссиялъул нухмалъулев. Гьес вахъана гьев лъелъа къватIиве.

Хвасар гьаруразе баркала загьир гьабун вачIарав ГIумарил кIудияв эмен ГIизраилица абуна гьеб иш нужер эбелалъул баракат бугилан. ГIадада гуро нилъер хирияс абун букIараб васазда лъедезе малъеян.

2026-09-15 (РабигIул ахир 1448 с.) №18.


КIудиял мунагьал

МацIихъанлъи гьаби ккола цо чияс абураб жо цогидасда бицин, гьелъ жинда бицарав чиясул жиндаса бицарав чиясдехун дагьабниги рокьукълъи, ракIхвей бижизабулеб бугони. Къуръаналда мацIихъан какун вуго. ХIадисалдаги буго мацIихъан Алжаналде лъугьинарин абун.   Гьел ккола Аллагьасул бищун ццим...


Гьикъизе нечараб бицине намусаб

Якьадги росги   Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...


Ракьулъ бижулеб гIурдахIан

Камъат (гIараб мацIалда факъгI абунги лъала, гIурус мацIалда трюфель) ккола ракьулъ бижулеб кваназе бегьулеб гIурдахIан. Хасго гьеб гIемер батула ГIагараб Машрикъалъул ва Шималияб Африкаялъул авлахъазул гIатIилъабазда, гьениб гьеб загьирлъула цIад бан хадуб. Гьеб гIажаибаб ракьалъул нигIматалъе...


Президентас ХасмухIаммадида баркана

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...