“ИН АСТ ЗАБОНИ ДӮСТӢ”
“ИН АСТ ЗАБОНИ ДӮСТӢ”
Дар урдугоҳи таълимӣтабобатии “Артек” хабарнигорон Наира Боғдасариён-Арманистон, Айдар Куртмулатов-Қазоқистон, Бао Зайҷонг-Чин, Марио Мунос-Куба, Шамсиддини Муқим-Тоҷикистон, Оқшин Кишуев - Туркия, Андрей КнязевӮзбекитсон, даъват шуда буд.
Дар 9-мин баст (смена)-и Артек зиёда аз 2, 5 ҳазор талабаи мактаб аз кишварҳои дунё истироҳату таълим мегиранд. Ҷамъ, қудрати ин бошишгоҳи кӯдакона дар як мавсим то 3,5 ҳазор талабаро метавонад қабул кунад. Масоҳати ин бошишгоҳ 218 гектар буда, дар соҳили Баҳри Сиёҳ, наздики шаҳри Алуштаи нимҷазираи машҳури Қрим миёни дарахтони сӯзанбаргу гулу буттаҳои шифобахш паҳн шудааст. Дар 1 сол то 15 маротиба талабаи мактаби миёнаро аз тамоми олам қабул хоҳад кард.
Вохӯрӣ ва суҳбат бо бачаҳо дар мавзӯйи “Ин аст забони дӯстӣ” ва якдигарфаҳмӣ баргузор гардид. Хабарнигорон аз рӯзгор, рафти таълим ва саёҳат ошно шуда, барои ташкили баланд ба роҳбарияти Артек баҳои баланд дода шуд. Дар 7 соли охир “Артек” зиёда аз 7 ҳазор талабаро аз 83 кишвари дунё ва кишварҳои собиқ Шӯравӣ ва ҷумҳуриҳои Аргентина, Баҳрейн, Булғористон, Британияи Кабир, Олмон, Дания, Исроил, Испания, Италиё, Канада, Қатар, Чин, Латвия, Литва, Мексика, Муғулистон, Нидерланд, Арабистони Саудӣ, Лаистон, Сербия, Словения, ИМА, Туркия, Франса, Хоравтия, Эстония, Корея Ҷанубӣ ва монанди инҳо даъват кардааст.
Вожа (калима)-и дӯстӣ барои кӯдакони дар Артек иштирок дошта, якест ва миёни онҳо дӯстии абадӣ боқи мемонад. Эҳтирому сипосгузорӣ ба мардуми олам барои бачаҳо дар зинаи аввал истода, то кунун бо ҳамдигар муносибати дӯстона доранд. Баробари ин “Артек” як навъ маркази пайвасти кӯдакони ҷаҳон ба шумор меравад. Дар замони кӯдакӣ пайдо кардани дӯст, ин фурсатест, ки барои дар оянда рафиқ, ҳамфикру ҳамнишин аз мардуми ҷаҳон, аҳамияти хеле муҳим дорад.
“Артек” тобистони соли 1925 ташкил шуда, то имрӯз чанд миллион кӯдакони оламро дар роҳи дӯстӣ ва бародарӣ пайваст кардааст. Умедворем, ки дар оянда ҳам кори ин маркази кӯдаконаи таълимӣ-табобатии ҷаҳон беҳтару хубтар хоҳад шуд.
ШАМСИДДИНИ МУҚИМ.
Артек, 2021
