Пайгъамбари ﷺ нивкlуз гъягъяйиз урхру аятар
Пайгъамбари ﷺ нивкlуз гъягъяйиз урхру аятар
Суал: Пайгъамбари ﷺ нивкlуз гъягъяйиз гирами Каламдиан вуйи аятар ва гьацира жара дюъйир урхури гъахьну кlури, гъеебхьунзуз. Гьадрарикан мялумат тувайчва. Гьадрарикан яркьуди хабар тувуб ккун апlураза. Гьар ражари Пайгъамбарин ﷺ суннайихъди гъягъюз ккун шулу, хусуси вуди нивкlуз гъягъруган, гьаз гъапиш уву гвачlниндиз уягъ шулуш-шулдарш, аьгъдарвуз.
Жаваб:
Пайгъамбари ﷺ ухьуз гирами Калам ва чан сунна гъибтна. Гьадрарихъди гъягъюри гьарсар касди гьаму жилиина ва ахиратдизра чаз ужувлар гъазанмиш апlуру. Гьаци вуйиган, гьарсаб ляхниъ Пайгъамбарин ﷺ суннайихъди гъягъювали ухьуз ужуб натижа тувди.
Пайгъамбари ﷺ нивкlуз гъягъяйиз урхури гъахьи аятарикан, сурйирикан магьа мялумат туврахьа.
- «Аятуль-Курси». 255-пи аят «аль-Бакара» сурайин (2 сура).
اللهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَّهُ مَا فِي السَّمَاوَاتِ وَمَا فِي الْأَرْضِ مَن ذَا الَّذِي يَشْفَعُ عِندَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ
Абу Гьурайрайи саб ражари мусурмнари уч дапlнайи закатдин гъарагъулвал апlурайиган, дугъу сар тlафал дисуру. Тlафли гъапну: «Деет узу, увуз гьацдар гафар улупурзавузки, дурарикан увуз аьхю мянфяаьт хьибди». Абу Гьурайрайи гьерхру: «Фу гафар ву?» Дугъу жаваб туву: «Уву нивкlуз гъягъруган «аятуль Курси» урх эвелиан аьхириз, увухъди гьарган Аллагьдин ﷻ малаикар хьиди, хъа шейтlнихьан тап гвачlниндизкьан увухьна багахь гъюз хьибдар». Му ляхникан Абу Гьурайрайи Пайгъамбариз ﷺ ктибтган, дугъу гъапи: «Дугъу увуз гьякь гъапну, гьеле учв гучlлях вушра». Дидин кьяляхъ Пайгъамбари ﷺ думу инсандин суратнаъ ади гъафи шейтlан вуйибдикан хабар тувну. (Бухари).
- «аль-Бакара» сурайин аьхиримжи кьюб аят.
Аби Масъудди Пайгъамбарин ﷺ гафар хура: «Фуну касди йишвну сура «аль-Бакьарайин» аьхиримжи кьюб аят урхури гъахьиш, дурар думу касдиз чlяаьн шул» (Бухари, Муслим).
- Сура «аль-Исра» (17 сура).
Аьйшайи ктибтураки, «Бани Исраил» («аль-Исра») ва аз-Зумар» сурйир дурубхдикьан гагьди», Пайгъамбар ﷺ нивкlуз гъягъюри гъахьундар (Тирмизи).
- Сура «аз-Зумар» (39 сура).
Му сура урхбаз зиихъ ухьу кlваин дапlнайи Айшайихьан вуйи гьядис далил ву.
- Сура «аль-Кафирун» (109 сура).
Саб ражари Науфаль аль-Ашджаий Пайгъамбарихьна ﷺ илтlикlну: «Я Расулаллагь! Узу ахникк дахъган, фу дурхну ккундуш йипа». Пайгъамбари ﷺ гъапну: «Урх «аль-Кафирун» сура, дугъриданна, думу ширквалихьан уьрхруб ву» (Абу Давуд).
- Гирами Каламдин аьхиримжи шубуб сура (суры аль-Муаввизат – 112-114 суры).
Сура «аль-Ихляс»:
بِسْمِ اللهِ الرَّحْمنِ الرَّحِيمِ * قُلْ هُوَ اللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُن لَّهُ كُفُواً أَحَدٌ
Сура «аль-Фалякь»:
بِسْمِ اللهِ الرَّحْمَٰنِ الرَّحِيمِ * قُلْ أَعُوذُ بِرَبِّ الْفَلَقِ * مِن شَرِّ مَا خَلَقَ * وَمِن شَرِّ غَاسِقٍ إِذَا وَقَبَ * وَمِن شَرِّ النَّفَّاثَاتِ فِي الْعُقَدِ * وَمِن شَرِّ حَاسِدٍ إِذَا حَسَدَ
Сура «ан-Нас»:
بِسْمِ اللهِ الرَّحْمَٰنِ الرَّحِيمِ * قُلْ أَعُوذُ بِرَبِّ النَّاسِ * مَلِكِ النَّاسِ * إِلَهِ النَّاسِ * مِن شَرِّ الْوَسْوَاسِ الْخَنَّاسِ * الَّذِي يُوَسْوِسُ فِي صُدُورِ النَّاسِ * مِنَ الْجِنَّةِ وَالنَّاسِ
Аьйшайи ктибтураки, гьарган Пайгъамбар ﷺ нивкlуз гъягъюз гьязур шулайи вахтна, хилар ккидисну, хиларизди уф апlури, «аль-Ихлас», «аль-Фалакь» ва «ан-Нас» сурйир урхури гъахьну. Хъасин гьадму хиларихъди чан бедендин хилар рукьру варишварилан алдатури гъахьну. Сабпи ражари кlуллан, машналан ва арччул терефналан. Гьаци шубуб ражари апlури гъахьну (Бухари).
