Пашманвалихьан ва хажалатнахьан вуйи дюаь

Пашманвалихьан ва хажалатвалихьан вуйи дюаь №1

«Аллагьумма инни аьбдук ибну аьбдик ибну аматик наĉияти биядик, мазин фия гьюкмука аьдлюн фия кьазаук, асъалюка бикуллисмин гьуваляка саммайта бигьи нафсака ав анзальтагьу фи китабика ав аьллямтагьу агьядан мин халькьик, авистаъ ҫарта бигьи фи ильми-ль-гъайби индака ан тажаьля-ль-Ḱьур’ана рабиаь кьальби ва нура ĉадри ва жаля-а гьюзни ва загьаба гьамми». Мяна: «Я Аллагь, дугъриданна, узу Яв лукI вуза ва Яв лукIран бай вуза ва Яв лукI-дишагьлийин бай вуза. Узу Яв гьюкмикк ккайир вуза, Яв къанун узуз фарз ву, Уву узуз адабгъру къарар гьякьлуб вуяв.

Узу ккун апIураза, Уву Увуз туву гьарсаб ччвурнахъди, ясана Уву Яв Каламдиъ улупнайидарихъди, ясана Уву шлизкIа ачухъ гъапIубдиинди, ясана жиниди гъибтбиинди, гирами Калам йиз кIван хьадукар апIина, пашманвал ярхла апIруб апIина ва гъалабалугъвал кIваан адабгъруб апIина!» Ибн Мас’удди Пайгъамбарин гафар хура, эгер пашманвал гъабхьи касди гьаму дюаь гъурхиш, Аллагьу Тааьлайи дугъан пашманвал шадвализ дигиш апIур. Инсанари гьерху: «Я Расулаллагь, му гафар кIваълан апIуча?» «Ав. Шлиз му гафар гъеерхьнуш, кIваълан апIри», - гъапну Пайгъамбари (Аьгьмад, ат-ТIабарани, Ибн Гьиббан).

Пашманвалихьан ва хажалатвалихьан вуйи дюаь №2

اللهُ رَبِّي لاَ شَرِيكَ لَهُ

«Аллагьу рабби ля шарика лагьу».

Мяна: «Аллагь йиз Агъа вуйиз, Дугъаз шерик адар».

Гьядисдиъ дупнаки, шлизкIа бедбахтвал, пашманвал, иццрушин, читинвалар кубкIган гьаму гафар кIури гъахьиш, думу ляхнарихьан азад хьуз му дюаь себеб шул (Абу Давуд).

Пашманвалихьан ва хажалатнахьан вуйи дюаь №3

يَا حَيُّ يَا قَيُّومُ بِرَحْمَتِكَ أستَغِيثُ

«Я Гьяййю, я Ḱьаййуму! Бирагьматика астагъиҫ».

Мяна: «Я гьарган ЧIивир! Я Вари Кьудратнаъ айир! Яв рягьимлувалихьна кюмек ккун апIури дуфназа»

Анасди, Пайгъамбарин гафар хури, кIура: Пайгъамбари саб фукIа гъабхьиган, гьаму гафар урхури гъахьну (имам ат-Тирмизи).

ИСЛАМ КЪУРБАНОВ