Читинвалариъ хьуб

Кьасумов Амир Мирзаевич, Жулжагъ гъул. Дагъустан Республикайин культурайин лайикьлу работник (2004 й). РФ-йин журналистарин Союздин член (2005 й). РФ-йин уьмуми образованияйин лайикьлу работник (2006 й). РФ-йин президентин грантдин сагьиб (2009 й). РФ-йин мялимарин устадвалин бина конкурсдин дипломант (1 степен, 2017 йис.)

Завук кайи вари хядар

Йигъ-йишв дарди,
Ихь Пайгъамбри
(Салават ва 
Салам дугъаз)
Урхурайи 
Кьур`ан-дафтар
Аьсгьябариз,
Гъаврикк ккауз
Ислам диндин.
Вари мугъкан
Вуйи рази,
Убзурайган 
Диндин рузи.
Аьсгьябариз 
К1уйи гьарган:
«Завуъ айи 
Хядар вучва».
Ип1рубдин ву
Вахтар лап кьит,
Читинвалар 
Алахьуру.
Сабур, иман 
Мюгькам гъап1иш,
Вари шулу
Амриинди
Сар Аллагьдин.

Гуч1ар ккаъру кагъаз

Кьурайшитар 
Дайи сикин,
Вардиз гуч1ар 
Ккаъри айи.
Меккайиан, 
Мединайиъ 
Айидариз
Гуч1ар ккаъри,
Хътап1у кагъаз:
-Эгер учву 
Душваъ айи
Мусурман ксар
Дишла кьяляхъ
Гьадраиш чпи
Гъафи йишваз,
Гьап1ну кьушум,
Ц1а кипурча
Ичв хуларик.
Биц1идарра
Йихуз ккача,
Хпар эскрари
Хиди чпизди.
Инсафсузвал
Хьибди гизаф».
Ва мусурмнар 
Мединайин
Яракьламиш 
Гъахьи дишла, 
Уьрхюз к1ури
Чпин сяргьятар,
Сифте вуди 
Ихь Пайгъамбар
(Салават ва 
Салам дугъаз).
Думу вахтна
Гьап1ну аят:
«Сар Аллагьди
Уьрхюр уву
Инсанархьан».
Ихь Пайгъамбри
(Салават ва 
Салам дугъаз)
Чан аьсгьябар 
Вари гьаъру 
Чпин хулариз.

Сикинсузди хъап1ра уьмур

Сикинсузди 
Хъап1ра уьмур
Ихь Пайгъамбри
(Салават ва
Салам дугъаз),
Бизар, пашман
Ва сикинсуз 
Духьна думу.
Душман-кяфир
Инкар хьиган,
Гъалабалугъ 
Кабхъуйи к1вак,
Насигьятназ 
Уч ап1уйи
Аьсгьябар чан 
Ва мусурмнар.
Хаин душман
Думу вахтна
Ккеъну шуйи,
Аьмал ап1уз
Абгури йишв.
Хъа аьсгьябар
Рякъяриин 
Ал гъаравлиъ.
Ккилигури
Шуйи халу,
Халуйин риш 
Умми Хани,
Мугьаммаддиз
(Салават ва 
Салам дугъаз)
Гъяйиз хулаз. 
Ихь Пайгъамбриз 
(Салават ва 
Салам дугъаз)
Ккундар ип1руб
Ва рягьятвал,
Дугъаз ккунду 
Анжагъ гъудган,
Ибадатвал.
Ккипну, гьязур
Дап1на шуру
Гъудгнин жик1уз
Гажинна таз,
Хъа ккипрубра
Ву лембейин.
Икриъ ликриин
Шуйи халу,
Гъилинж хьади,
Мугъаятди.
Аллагь рази 
Ишри чакан.
Абуталиб 
Халура дар
Затра сикин:
Абц1на Мекка
Ислам диндин
Пис душмнари.
Гъудгнихъ дюаь
Урхуб къайда
Ву Пайгъамбрин
(Салават ва
Салам дугъаз),
Ккун ап1ури
Аьф ап1уб чан
Умматарин.
Лембе айи
Ккипрубдиин 
Хабарсузди 
Нивк1уз гъушу
Шилагь, бизар
Духьну айир.
Гьаму вахтна
Сар Аллагьдин
Амриинди
К1ур Жабраил 
Малайикдиз:
«Лапра бизар,
Зигар гъап1за
Йиз Пайгъамбар,
Туври дердер
Ва аьзабар.
Гьаци вушра 
Дугъан фикрар
Ва хиялар
Шулу узкан,
Жараб дугъан
К1ваин алдар.
Т1ирх жил`ина,
Акъин зухьна
Йиз ккуни лук1.
Улуп дугъаз
Женнетар ва
Жегьеннемар,
Ахиратдиъ 
Дугъан душмнар
Фициб гьялнаъ
Шулуш, рякъри.
Ва сагъ ап1уз
Ккунди азуз
Рюгьнан зийнар,
Сикин дап1ну,
Юк1вра ккабцуз».
Ва Жабраил
Малайик гъюр
Саб герендиъ
Пайгъамбрихьна
(Салават ва
Салам дугъаз).
Дябкъну думу 
Даахнайиб,
Духьну инсан,
Ис гъахьнийи,
Дугъан швякьраз
Мак гъап1нийи.
Уягъ гъахьи
Ихь Пайгъамбар
(Салават ва
Салам дугъаз)
Дерин нивк1`ан, 
Аьгъю дубхьну
Жабраил гъюб,
Дишла гъапи:
-Я, йиз гъардаш,
Жабраил! Йип,
Кьанди уву 
Гьаз гъафунва?
Дархьиш узкан
Ктубч1внин гъалат1?

Пашманвалин канук хабар?

-Я гьяйбатлу,
Ккунир вува
Сар Аллагьдиз!
Пайгъамбрарин
Пайгъамбарвал,
Инсанвалин
Заан лишнар
Тувну авуз
Сар Аллагьди.
Аллагьди Чан
Гьап1ра салам.
Вухьна гьюрмат
Ву лап аьхюб,
Тувну адруб
Пайгъамбрариз,
Инсанариз.
Чахьна теклиф 
Ап1уравуз,
Гъач узухъди
Гъудгнин жик1уз.
Ва Жабраил 
Малайикди 
Ихь Пайгъамбрик
(Салават ва
Салам дугъаз)
Ктибт1у чалма
Нур туврайиб, 
Палтарра ву
Алидар нур,
Ч1ул гъидибт1у
Якьутдикан, 
Гьарсаб гевгьер
Рябкъюрайи
Акв туврайи
Зюгьре хядси.
Ликариин ал
Башмакъар 
Лапра уткан -
Ву чру гъашнан.
Дисну хилар,
Гъафи мурар.
Кяаьбайихь 
Жабраили,
Дабт1ну мухур,
Адабгъу юк1в
Ихь Пайгъамбрин
(Салават ва
Салам дугъаз),
Замзамдин шту
Марцц ап1уру,
Урзру душваъ
Захаъ айи 
Иман, рягьим.
Ва юк1в ибтру
Чан айишваъ,
Сагъ ап1уру
Гъабхьи зиян.
Му арайиъ 
Женнетдиан
Гъафи гьяйван –
Лизи Бурак,
Илитну ихь
Пайгъамбарра
(Салават ва
Салам дугъаз),
Аьршдиз т1ибхур.
Малайикар
Гъаравларди 
Хъа, уьрхюри
Ихь Пайгъамбар
(Салават ва
Салам дугъаз).
-Йип, Жабраил,
Гьаз пашман ву
Йиз ккуни лук1? –
Гьерху мугъхьан
Сар Аллагьди.
Ихь Пайгъамбри
(Салават ва
Салам дугъаз)
Жаваб гъап1у:
-Гьамкьан гьюрмат
Яв узухьна
Ади, яраб,
Фици шуйк1ан
Йиз умматар,
Гъиямат йигъ 
Улубкьиган?
Фици гъузур
Аьрасатдиъ 
Хьуц1ур агъзур
Йисан мурар;
Сират1 гъядлан
Улдуч1вруган,
Сумч1ур агъзур
Йис шулайган?
-Йиз ккуни лук1,
Махьан пашман,
Думу вахт яв
Умматариз
Ап1ураза 
Саб геренси.
Шюкюр ибшри
Сар Аллагьдиз,
Ва, элеъну 
Буракдиин,
Хътакур дишла
Сар Аллагьдин
Амриинди
Завар жилик
Карсну айи
Рябкъру ц1арназ
Ихь Пайгъамбар
(Салават ва
Салам дугъаз).

Аят гьап1ну

Вягьши духьна
Бутпересар
Мекка шагьриъ,
Ккаъри гуч1ар,
Мусурмнариз 
Туврадар гюн.
Сар Аллагьдин 
Амриинди
Аят гьап1ну 
Ихь Пайгъамбриз
(Салават ва 
Салам дугъаз):
Гъизгъин, ачухъ
Дяви ккебгъуз.
Ва Мекка-Шам
Алверин рякъ
Дикъат уьбхюз;
Бутпересар
Сикин ап1уз;
Мусурмнарин 
Т1араш гъап1у
Девлет, мутму
Кьяляхъ бисуз,
Гьямза халу 
Хьади улихь,
Кьушум гьап1у.
Лизи рангнан
Вуйи пайдагъ,
Ихь Пайгъамбри
(Салават ва 
Салам дугъаз)
Ктабгъуб ву чав.
 Ислам диндин
Тарихдиъ му 
Гъабхьну дявдин
Сабпи пайдагъ.