Буржар кайириз вуйи кюмек

Буржар кайириз вуйи кюмек

Абу Саид аль-Худрийи ктибтура: саб ражари Пайгъамбар ﷺ мистаз гъафиган, дугъаз Абу Умама кIуру кас дяркъну, дугъхьан гьерху: «Я Абу Умама, гъудгнин дару вахтна уву мистаъ гьаз рякъюра?» Абу Умамайи жаваб туву: «Кайи буржари сикинди гъитрадарзу, я Расулуллагь».

«Аллагьу Тааьлайи уву буржарихьан ярхла апIру гафар улупузавуз?» - гьерху Пайгъамбари. «Ав, улуп, я Расулуллагь», - гъапи Абу Умаматди. Пайгъамбари ﷺ гъапи: «НивкIуз гъягъруган ва нивкI’ан уягъ гъахьиган, гьамци йип: «Аллагьумма инни а’уьзу бика мина ль-гьамми ва ль-гьузни ва а’уьзу бика мин аль- ’аджзи ва ль-касали ва а’ьузу бика миналь бухли ва ль-джубни ва а’уьзу бика мин гъалабати-ддайни ва кьагьри-ррижал».

Абу Умамайи гъапи: «Узу гьаму гафар кIури гъахьиза ва Аллагьу Тааьлайи узу буржарихьан азад гъапIу» (Абу Дауд).

Гьацира Ибн ‘Абу Ддунйа кIуру касди Му’аьз ибн Жабалихьан вуйи гьядис хура:

«Узу Пайгъамбариз, буржар казук кIури, аьрза гъапIза». Пайгъамбари ﷺ гьерху: «Я Муаьз, увуз буржариккан азад хьуз ккундунуз?» «Ав», - кIури жаваб тувза. Думуган дугъу узуз «Али Имран» сурайин 26-27-пи аятар гъурху:

Муаьз ибн Жабали гъапи: «Хъасин Пайгъамбари ﷺ гьаму дюаь аьлава гъапIу: «Рагьману ддунйа ва ль-ахирати ва рагьимугьума, туъти ман ташау мингьа ва тамна’у манн ташау, иргьямни рагьматан тугънини бигьа ’аьн рагьмати манн сивака».

Гьаму урхбан кьяляхъ Пайгъамбари ﷺ гъапи: «Уву гьаму дюн’яйиъ айикьан вари гъизил шлизкIа буржлу гъахьишра, думу буржнахьан азад хьидива!»