«Ишракь» гъудган
Му гъудган жямяаьтдихъди апIуб суннат дар. Бязи аьлимари «зугья» ва «ишракь» гъудгнар саб ву кIура, хъа аьхю пай аьлимари, «ишракь» гъудган - думу ригъ гьудубчIвбалан кьяляхъ гъудгнар апIуз карагьат вуйи вахт ккудубшган апIру суннат-гъудган ву, дупна.
Шафии мазгьабдин фикьгьдин китабариъ, «ишракь» гъудган кьюб ракааьттIан артухъ апIуз хай шулу кIури, дибикIна.
«Тугьфатуль Мугьтаж» китабдиъ дупнаки, «ишракь» гъудган, ригъ гьудубчIвну, гъудгнар апIуз карагьат вуйи вахт улдубчIвган апIруб ву. Хъа «Гьяшият Аш-Ширвани» ва «Шаргь Аш-Шамаил» китабариъ, «ишракь» гъудган ригъ гьудубчIвру вахтна, гьамциб ниятра ади тамам апIруб ву, дупна: «Узу ният гъапIза ишракь гъудгнин кьюб ракааь апIуз Аллагь бадали, Аллагьу акбар». Дупнаки, му вахтна думу гъудган апIуб карагьат дар, гьаз гъапиш думу гьаму гъудгниз улупнайи вахт ву.
«Ишракь» гъудгнин сабпи ракааьтдиъ «аль-Фатигьяйин» кьяляхъ «Аз-Зугья» сура урхуру, кьюбпи ракааьтдиъ - «Аш-Шаргь» сура.
«Ишракь» гъудгниз улупнайи вахт лап жикъиб ву: думу, ригъ сацIиб за гъабхьиган, ккудубкlуру (йигъандин лисундин вахтнан гьацl хьайизкьана гъубзурдар). «Ишракь» гафнан мяна «ригъун акв» кIуруб ву.
