Гъудгник кадру вахтна Кьур’ан урхбан сужда тамам апIбан къайда
Кьур’ан урхбан сужда апIру касдиз 4 рукну а:
1. Ният.
2. «Аллагьу акбар» кIури суждайик кучIвуб.
3. Саб сужда апIуб.
4. Салам тувуб.
Сужда апIуз ккуни кас, аят аьхириз урхайиз, ккилигну ккунду.
Му сужда улупнайи вари суннатарна адабар тамам апIури дапIну ккунду. Суждайин аятар урхурайири гъудгнинстар вари шартIар тамам апIуру, яни кьиблайихьинди илдицну, марцци йишв’ин дусну, ният апIуру: «Узу ният гъапIза Кьур’ан урхбан суннат сужда апIуз Аллагь бадали. Аллагьу акбар».
«Аллагьу акбар» кIуруган, гъудгник кучIврайири фици хилар за апIуруш, гьаци за гъапиIш, ужи ву. Хъасин «Аллагьу акбар» кIури суждайиз гъягъюру. Ис шлуган хилар за апIурдар. Суждайиъ айиган, гъудгнин суждайиъ урхруб урхуру, хъа гьаму гафарра аьлава гъапIиш, хъанара ужи ву:
سَجَـدَ وَجْهـي للَّـذي خَلَقَـهُ وَصَـوَّرَهُ وَشَقَّ سَمْـعَـهُ وَبَصَـرَهُ بِحَـوْلِـهِ وَقُـوَّتِهِ فتَبـارَكَ اللهُ أَحْسَـنُ الخـالِقيـن
«Сажада важгьи ли-Ллязи халакьагьу ва шакка самаьгьу ва басарагьу би-гьявлигьи ва кьувватигьи, фа табарака Ллагьу агьсануль-халикьина!
Мидин кьяляхъ гьаму дюаь гъурхиш ужи ву:
«Аллагьумма-ктуб ли бигьа индака ажран, важаьлгьа ли индака зугьран, ва даъ аьнни бигьа визран, вакьбалгьа минни кама кьабилтагьа мин аьбдика Давуда»
Мяна: «Я Аллагь! Гьамдиинди Яв улихь узуз саваб тув, ва Яв багахь му узу уьрхруб вуди дебкк, гьамдиинди узлан гунагь алдабгъ, Уву Яв лукI Давуддихьан фици му кьабул гъапIнуш, узхьанра гьаци кьабул апIина».
Гьацира мушваъ урхру жара дюъйирра а.
Хъасин «Аллагьу акбар» кIури, хилар за дарапIди суждайиан за духьну дусру ва салам тувру.
