Гъудгнин кьяляхъ урхру дюъйир-зикрар
Гъудгнин кьяляхъ урхру дюъйир-зикрар
Аллагьу Тааьлайи мусурман касдиин иливнайи фарзарикан саб гъудган ву. Мусурман касдиз гъудгнихъди аьлакьалу ляхнар, фу дюшюшдиан гъудган батIил шулуш, фуну дюшюшсана карагьат вуш, аьгъяди ккунду. Хъа гъудган ккудубкIбалан кьяляхъра суннат вуйи ляхнар гизаф а. Ари гьаму макьалайиъ гьадрарикан улхидихьа.
Гъудгнин кьяляхъ урхру дюъйириз ухьу хусуси фикир тувну ккунду, гьаз гъапиш душваъ жюрбежюр дюъйир кIваин дапIна ва гьарсаб дюаь чан хусуси мянара айиб ву. Жвув кьаза-балйирихьан уьрхюб, жвуван абйир-бабариз дюаь апIуб, гьялал ризкь артухъ апIуб – гьармрар ва гьацира жара дюъйир гъудгнин азкарариз ва гъудгнихъан апIру дюаьйиз дахил шула.
Гъудган ккудубкIбалан кьяляхъ, дуснайи гьялнаъ имиди, Аллагь ﷻ кIваин апIури, урхру дюъйир (азкарар) а.
Думу дюъйирин жа-жара жюрйир китабариъ улупна. Хъа ухьу гьадрарикан сабуну жюре исихъ тувдихьа:
اَللهُ اَكْبَرُ وَ لِلهِ الْحَمْدُ
«Аллагьу акбар ва лиллягьиль-гьямд»
(Аллагь варибдин Агъа ву, Аллагьдиз гьямд ибшри).
أستغفر الله
«Астагъфируллагь (шубуб ражари).
Мяна: «Йиз гунгьарин аьфв апIина, Аллагь»
«Астагъфируллагь» урхури, унтIлан арччул хилин гагь алдатуб ужу ву.
أَسْتَغْفِرُ اللهَ الْعَظيمَ الَّذي لآ إِلهَ إِلاّ هُوَ الْحَيَّ الْقَيُّومَ وَأَتُوبُ إِلَيْهِ
«Астагъфируллагьаль аьзима ллази ла илагьа илла гьуваль гьяйяль кьаййюма ва атубу илайгьи (3 ражари).
Мяна: «Йиз гунгьарин аьфв апIуб ккун апIураза Аьзим вуйи Аллагьдикан. Чаз ибадат апIуз лайикь вуйир жарар фужкIа адар, анжагъ сар АллагьтIан, ЧIивир, Гьаргандиз Гъузрур, узу туба апIураза Дугъаз».
اَللّهُمَّ أَنْتَ السَّلامُ وَمِنْكَ السَّلامُ تَبارَكْتَ وَتَعالَيْتَ يا ذَا الْجَلالِ وَالْإِكْرامِ
«Аллагьумма анта ссалам ва минка ссалам, табаракта я заль Жалали валь икрами»
Мяна: «Я Аллагь, Уву вува Салам ва Увхьанра гъюру салам. Уву Адлур, Гьяйбатлур ва Жумартур вува»
Хъасин кIуллан хил алдатури урхуру:
بِسْمِ اللهِ الَّذِى لَا اِلَهَ اِلَّا هُوَ الرَّحْمَن الرَّحِيمِ
«Бисмиллагьи ллази ла илагьа илла гьува ррагьману ррагьим».
Мяна: «Аллагьдин ччвурнахъан, Чаз ибадат апIуз лайикь вуйир ДумутIан гъайри жарар фужкIа адар, му дюн’яйиъ варидарихьна ва Ахиратдиъ анжагъ муъминарихьна Рагьимлур вуйир».
اَللّهُمَّ أَعِنّي عَلى دَوامِ ذِكْرِكَ وَشُكْرِكَ وَحُسْنِ عِبادَتِكَ
«Аллагьумма аьинни аьла давами зикрика ва шукрика ва гьюсни ибадатика».
Мяна: «Я Аллагь! Увуз гьямд апIуз, ва Увуз ужуйи ибадат апIуз гьарган Уву кIваин апIуз узуз кюмек йихь».
اَللَّهُمَّ اَذْهِبْ عَنِّى الْهَمَّ وَالْغَمَّ وَالْحَزَنْ
«Аллагьумма азгьиб аьнниль гьамма валь гъамма валь гьязан».
Мяна: «Я Аллагь! Узхьан гъалабалугъвал, дерд ва хажалатвал ярхла апIин».
لآ إِلهَ إِلاَّ اللهُ وَحْدَهُ لا شَريكَ لَهُ. لَهُ الْمُلْكُ وَلَهُ الْحَمْدُ وَهُوَ عَلى كُلِّ شَيْءٍ قَديرٌ
«Ла илагьа илла ллагьу вагьдагьу ла шарика лагьу лагьуль мульку ва лагьуль гьямду ва гьува аьла кулли шай’ин кьадир (гвачIниндинна лавландин гъудгнин кьяляхъ 10 ражари)».
Мяна: «Чаз ибадат апIуз лайикь вуйир АллагьтIан адар, Сар вуйир, Чаз шерик адрур. Вари мулк Дугъануб ву, гьямд ибшри Дугъаз, Думу гьарсаб шейъназ Кьудратлу ву».
اَللَّهُمَّ لَا مَانِعَ لِمَا أَعْطَيْتَ وَلَا مُعْطِيَ لِمَا مَنَعْتَ وَلَا يَنْفَعُ ذَا الْجَدِّ مِنْكَ الْجَدُّ
«Аллагьумма ла маниаь лима аътIайта ва ла муътIия лима манаъта ва ла янфауь заль жадди минкаль жадду».
Мяна: «Я Аллагь, Уву тувруб сарихьанра хътабтIуз даршул, ва Уву тутрувуб сарихьанра тувуз даршул. Девлет айирикан мянфяаьт адар, вари девлет анжагъ Увхьан ву».
لَاحَوْلَ وَلَا قُوَّةَ اِلَّا بِاللهِ، لَا اِلَهَ اِلَّا اللهُ وَلا نَعْبُدُ اِلَّا اِيَّاهُ، لَهُ النِّعْمَةُ وَلَهُ الْفَضْلُ وَلَهُ الثَّنَاءُ الْحَسَنُ، لَا اِلَهَ اِلَّا اللهُ مُخْلِصِينَ لَهُ الدِّينَ وَلَوْكَرِهَ الْكَافِرُونَ
«Ла гьявла ва ла кьуввата илла биллагь. Ла илагьа иллаллагьу ва ла наъбуду илла иййагьу лагьу нниъмату ва лагьуль фазлу ва лагьу ссанауль гьясан. Ла илагьа иллаллагьу мухлисина лагьу ддина валав каригьаль кафирун».
Мяна: «Ужуб дарубдихьан ярхла хьуз, гьякь ибадатнахъна гъюз кьувват адар, тек Сар АллагьдихьантIан. Ибадат апIуз лайикь вуйир Сар АллагьтIан адар ва ухьу, ДугъазтIан гъайри, жарариз ибадат апIудархьа. Вари девлетра, рягьматра, фазилатра ва ужуб гьямдра Дугъануб ву. Чаз ибадат апIуз лайикь вуйир тек Сар АллагьтIан адар, Гьадгъаз Сариз ухьу кIваантIан ибадат апIурухьа, Дин Дугъануб ву, му кяфирариз даккунди вушра»
Хъасин «Аль-Фатиха» сура урхуру:
بِسْمِ اللهِ الرَّحْمنِ الرَّحيمِ *
اَلْحَمْدُ لِلهِ رَبّ الْعالَمينَ * الرَّحْمنِ الرَّحيمِ * مالِكِ يَوْمِ الدّينِ * إِيّاكَ نَعْبُدُ وَإِيّاكَ نَسْتَعينُ * اِهْدِنَا الصّراطَ الْمُسْتَقيمَ * صِراطَ الَّذينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلاَ الضّآلّينَ *
Хъасин аят «аль-Курсий»:
اَللهُ لآ إِلهَ إِلاّ هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ ما فِي السَّماواتِ وَما فِي الْأَرْضِ مَنْ ذَا الَّذي يَشْفَعُ عِنْدَهُ إِلاّ بِإِذْنِه يَعْلَمُ ما بَيْنَ أَيْديهِمْ وَما خَلْفَهُمْ وَلا يُحيطُونَ بِشَيْءٍ مِنْ عِلْمِه إِلاّ بِما شآءَ وَسِعَ كُرْسِيُّهُ السَّماواتِ وَالْأَرْضَ وَلا يَؤُدُهُ حِفْظُهُما وَهُوَ الْعَلِيُّ الْعَظيمُ
Хъасин «аль-Ихляс» сура – 3 раза:
بِسْمِ اللهِ الرَّحْمنِ الرَّحيمِ *
قُلْ هُوَ اللهُ أَحَدٌ * اَللهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْ لَهُ كُفُوًا أَحَدٌ *
Хъасин «аль-Фаляк» сура:
بِسْمِ اللهِ الرَّحْمنِ الرَّحيمِ *
قُلْ أَعُوذُ بِرَبِّ الْفَلَقِ * مِنْ شَرِّ ما خَلَقَ * وَمِنْ شَرِّ غاسِقٍ إِذا وَقَب * وَمِنْ شَرِّ النَّفّاثاتِ فِي الْعُقَدِ * وَمِنْ شَرِّ حاسِدٍ إِذا حَسَدَ *
Хъасин «ан-Нас» сура:
بِسْمِ اللهِ الرَّحْمنِ الرَّحيمِ *
قُلْ أَعُوذُ بِرَبِّ النّاسِ * مَلِكِ النّاسِ * إِلهِ النّاسِ * مِنْ شَرِّ الْوَسْواسِ الْخَنّاسِ * الَّذي يُوَسْوِسُ في صُدُورِ النّاسِ * مِنَ الْجِنَّةِ وَالنّاسِ *
Хъасин урхурхьа:
اَسْتَغْفِرُ الله
«Астагъфируллагь» (10 ражари).
33 ражари урхуру:
سُبْحانَ اللهِ
«Субгьяналлагь».
33 ражари:
اَلْحَمْدُ لِلهِ
«Алгьямдулиллягь»
34 ражари:
اَللهُ اَكْبَرُ
«Аллагьу акбар»
Хъасин:
لَا اِلَهَ اِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَىْءٍ قَدِيرٌ
«Ла илагьа илла ллагьу вагьдагьу ла шарика лагьу лагьуль мульку ва лагьуль гьямду ва гьува аьла кулли шай’ин кьадир».
Хъасин хилар за дапIну 5 ражари:
رَبِّ اغْفِرْلِى وَلِوَالِدَىَّ وَلِمَنْ لَهُ حَقٌّ عَلَيَّ
«Раббигъфирли валивалидаййа ва лиман лагьу гьякъун аьлайя».
Мяна: «Я Йиз Аллагь, Уву марцц апIин йиз гунгьар, йиз абйир-бабарин гунгьар ва узу шлиз буржлу вуш, гьадрариндарра».
لا اله الا الله
Ла илагьа иллаЛлагь (25, 50, 100 ражари).
اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آَلِ سَيِّدِنَا مُحَمَّدٍ وَسَلِّمْ
«Аллагьумма салли аьла саййидина Мугьяммадин ва аьла али саййидина Мугьяммадин васаллим»
Гьаму дюъйир урхбалан кьяляхъ, хилар за дапIну, жвуван дюаьра апIуру. Дуаь апIруганра Аллагьу Тааьлайикан жвуван гъудган кьабул апIуб, жвуван ва имбу мусурмнарин гунгьарин аьфв апIуб, жвуваз ва жвуван багахьлуйириз Аллагьу Тааьлайин рягьимлувал ккун апIуру. Ва гьацира Аллагьу Тааьлайикан жвуван жара мюгьтаж’валар гьуркIуб ккун апIуру.
Гъит Аллагьу Тааьлайи ихь гунгьарин аьфв апIри, ихь гъудгнар кьабул апIри ва гьелелиг гъудгнар дарапIрайидаризра думу фарз тамам апIуз кьувват туври.
