Буржарихьан азад хьуз вуйи дюъйир

Буржарихьан азад хьуз вуйи дюъйир

Абу Саид аль-Худрийи ктибтура, саб ражари Пайгъамбар ﷺ мистаз гъафиган, дугъаз Абу Умама кIуру кас гъяркъну. Пайгъамбари ﷺ дугъхьан гьерху: «Я Абу Умама, гъудгнин дару вахтна узуз уву мистаъ гьаз рякъюра?»

Абу Умамайи жаваб туву: «Кайи буржари сикинди гъитрадарзу, я Расулуллагь». «Аллагьу Тааьлайи уву буржарихьан ярхла апIру гафар улупузавуз?», - гъапи Пайгъамбари. «Ав, улуп, я Расулуллагь», - гъапи Абу Умаматди. Пайгъамбари ﷺ гъапи: «НивкIуз гъягъруган ва нивкI’ан уягъ гъахьиган, йип:

اللهم إني أعوذ بك من الهم والحزن وأعوذ بك من العجز والكسل وأعوذ بك من البخل والجبن وأعوذ بك من غلبة الدين وقهر الرجال. قال: فقلت ذلك فأذهب الله عز وجل همي وقضى عني ديني

«Аллагьумма инни а’уьзу бика мина ль-гьамми ва ль-гьузни ва а’уьзу бика мин аль- ’аджзи ва ль-касали ва а’ьузу бика миналь бухли ва ль-джубни ва а’уьзу бика мин гъалабати-ддайни ва кьагьри-ррижал».

Хъасин Абу Умамайи гъапи: «Узу гьаму гафар кIури гъахьиза ва Аллагьу Тааьлайи узу буржарихьан азад гъапIу» (Абу Дауд)

Гьацира Ибн ‘Абу Ддунйа кIуру касди Му’аьз ибн Жабалихьан вуйи гьядис хура:

«Узу Пайгъамбарикна, буржар казук кIури, аьрза гъапIза». Пайгъамбари ﷺ гьерху: «Я Муаьз, увуз буржариккан азад хьуз ккундунуз?» «Ав», кIури жаваб тувза. Думуган дугъу узуз «Али Имран» сурайин 26-27-пи аятар гъурху

قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ وَتُعِزُّ مَن تَشَاءُ وَتُذِلُّ مَن تَشَاءُ بِيَدِكَ الْخَيْرُ إِنَّكَ عَلَىٰ كُلِّ شَيْءٍ قَدِيرٌ (26) تُولِجُ اللَّيْلَ فِي النَّهَارِ وَتُولِجُ النَّهَارَ فِي اللَّيْلِ وَتُخْرِجُ الْحَيَّ مِنَ الْمَيِّتِ وَتُخْرِجُ الْمَيِّتَ مِنَ الْحَيِّ وَتَرْزُقُ مَن تَشَاءُ بِغَيْرِ حِسَابٍ (27)

 [الجزء: 3 | آل عمران (3)| الآية: 26- 27]

Муаьз ибн Жабали гъапи: «Хъасин Пайгъамбари ﷺ гьаму дюаь аьлава гъапIу:

رَحْمنَ الدُّنْيَا وَالآخِرَةِ وَرِحِيمَهُمَا تُعْطِي مَنْ تَشَاءُ مِنْهَا وَتَمْنَعُ مَنْ تَشَاءُ ، ارْحَمْني رَحْمَةً تُغْنِيني بِهَا عَنْ رَحْمَةِ مَنْ سِوَاكَ

«Рагьману ддунйа ва ль-ахрати ва рагьимугьума, туъти ман ташау мингьа ва тамна’у манн ташау, иргьямни рагьматан тугънини бигьа ’аьн рагьмати манн сивака».

Гьаму урхбан кьяляхъ Пайгъамбари ﷺ гъапи: «Уву шлизкIа гьаму дюн’яйиъ айибкьан вари гъизилин буржлу гъахьишра, думу буржнахьан азад хьидива!»