Хулаъ учlвган салам тув
Хулаъ учlвган салам тув
Хулазди учlвруган, гизафдарин салам тувуз кlваълан гъябгъюру, гьеле думу лап фикир тувну ккуни дюшюш вушра.
Бицlидихъанмина веледдарра кмиди думу ляхнихъди вердиш дапlну ккунду. Дици гъабхьиш шейтlниз хулаъ йишв гъубзидар.
Уву хулазди учlвган, хулаъ айидариз салам тув. Хулаъ фужкlа адарди гъахьиган: «ассаламу аьлайна ва аьла ибадиллагьи ссалигьин», - йип. Гьаци апlбаз Аллагьу Тааьлайин амурра, Пайгъамбарин ﷺ гьядисарра а.
Абу Гьюрайрайи гъапну: «Хулаъ учlвза?», - кlури гьерхган, ачар дархиди ваъ йип. Ачар салам тувувал ву гъапиган, дугъри ву йип».
Сар кас хулазди учlвну салам тувиган, шейтlни кlуру: «Мушваъ узуз йишв адар». Ипlуздихъ дусну «бисмиллагь» гъапиган, шейтlни кlуру: «Узуз йишвра адар, узуз хурагра адар».
Шид убхъру вахтнара «бисмиллагь» гъапиган, шейтlни кlуру: «Мушваъ узуз йишвра адар, хурагра адар, я убхърубра адар», - ва гьебгру.
Магьа гьамциб заанвал а салам тувувалиъ.
