Мугьяррам, цIийи йисандин сабпи ваз

Мугьяррам мусурман календариинди цIийи йисандин сабпи ваз ву. Думу дявйир апIуз, ифи удубзуз ва гьамцдар жара чIуру ляхнар гъахуз гъадагъа дапIнайи юкьуб вазликан сабунуб ву. Мугьяррам гирами ваз вуйиваликан Кьур’андин сурайиъ дибикIна. Гьаддиз гьарсар мусурман кас гьадму ваз Аллагьдин ﷻ гъуллугънаъ ади адапIуз чалишмиш духьну ккунду. Гьадму ваз ухьу фици гьапIиш, вари йисра гьаци гъябгъиди.

Имам Гъазалийи "Игь’я" кIуру чан китабдиъ бикIурайиганси, эгер Мугьяррамдин ваз ибадат апIури адапIиш, дидин берекет йискьубан имбу вазаризра шлубдик умуд кивуз шулу.

Муслимди ктибту гьякьлу гьядисдиъ дупна: "Рамазандин кьяляхъ ушвар дисуз варитIан ужубсиб ваз Мугьяррамдин ваз ву". ТIабаринийи дубхнайи тмуну гьядисдиъ дупна: "Мугьяррам вазлиъ сад йигъан ушв гъибисурин 30 ушв гъидисганси гьисаб апIиди". Сабсана гьядисдиз асас духьну, Мугьяррам вазлиъ хамис, жвуми ва элгьет йигъари гъидису ушвариз артухъди кьимат тувру.

Имам Нававийи (гъит дугъкан Аллагь ﷻ рази ишри) "Заваиду рравза" кIуру китабдиъ бикIура: "ВаритIан гирами вазарикан иллагьки Мугьяррам ушвар дисуз ужуб ваз ву".

Мугьяррам вазлиз Аьшурайин гирами йигъра дахил шула.

Мугьяррам ктучIву гунгьарин аьфв апIру ва Аллагьдиз ﷻ дюъйир апIру ваз ву. Ари гьаддиз гунгьарин аьфв апIру ва гъапIу ужувлаз гизаф ражари ужувлар тувру мумкинвал арайиан маадапIанай.

Гъит Аллагьу Тааьлайи ухьуз гьаму дюъйир ихласвалиинди, кIваъ рягьим ади, Аллагьу тааьлайик умуд кади ихь Агъайикан ккун апIуз тавфикьвал туври! Амин, я Мужиб!

«Мусурмнарин календариан»

2026-04-01 (Шавваль 1447 г.) №4.

اَللَّهُمَّ اِنِّى أَسْألُكَ بِحَقِّ السَّائِلِينَ عَلَيْكَ وَبِحَقِّ مَمْشَاي هَذَا اِلَيْكَ فَاِنِّى لَمْ أَخْرُجْ أَشرًا وَلَا بَطَرًا وَلَا سُمْعَةً بل خَرَجْتُ اِتِّقَاءَ سَخَطِكَ وَابْتِغَاءَ مَرْضَاتِكَ، فَأَسْأَلُكَ أَنْ تُنْقِذَنِى مِنَ النَّارِى وَأَنْ تَغْفِرَ لِى ذُنُوبِى اِنَّهُ لاَ...

Гирами Рамазандин вазли вари шагьрар-районариъ ушварин вазлиз бахш дапIнайи аьхю серенжемар кlули гъушну. Табасаран райондиъра, варирайондинси, кIул’инди-кIул’инди гъуларинра жямяаьтлугъ ифтарар гъахьну. Гьадрарин арайиъ Ляха гъулаъ вари жямаьтлугъ уч духьну гъубху ифтарра...

Ассаламу аьлайкум, йиз ватанагьлийир! Яшлуйир айи йишваъ берекет ва ужуб насигьятнан гаф шул. Дурариз уьмрин аьхю тажруба а, гьадрариланмина ухьухьна гизаф кьадар ужувлан ляхнар дуфна. Гъулариъ яшлу ксар алахьруган, дурариз салам тувну, хил бисуз ккун шулу. Дурарин машназ гъилигган,...

- Ич гъуландари гьаму йисан ушварин сэъ жилирихьан гьудучlвнайи шураз уч гъапlну. Амма гьадму касдиз рубкьруганси шуладарзуз. Дугъаз Дербент шагьриъ ужуб багьа квартира а, думутlанна гъайри яшайишра гьадму чаш ушварин сэъ тувдаринтlан гизаф ужи ву. Гьаму дюшюшдиъ дурарин ушварин сэъ фици шул? -...

Гъудгнин жикlурайи кас карагьат вуйи, яна дарапlди гъитуб ужи вуйи ляхнарихьан ярхла духьну ккунду. Магьа гъудгнин жикIбаъ карагьат вуйи ляхнар: Шид исраф апlуб. Мисалназ, шид гъюру крандикк гъудгнин жикlурайири, думу тамамди абццну, явашди гъудгнин жикlуруш, думу вахтна фукьан шид зяяди...

Мугьяррам, цIийи йисандин сабпи ваз