Ул гъапlунзуз…
Суал: Узуз ул апlбаан гизаф зарар шулазуз: кlул иццру шулайиз, машнаан лап уьру шулза. Дициб вахтна я ляхниз гъягъюз, ясана фукlа жараб апlуз шуладарзухьан. Узуз фицдар дюъйирикан кюмек шуйкlан?
Жаваб:
قال النبي صلى الله عليه وسلم: "العَيْنُ حَقٌّ وَلَوْ كَانَ شَيْءٌ سَابَقَ القَدَرَ لَسَبَقَتْهُ العَيْنُ" (رواه مسلم)
Пайгъамбари ﷺ гъапну: «Ул апlувал гьякьлуб ву. Эгер фукlа даккниб гъабхьиш, думу ул апlбаан шулайиб ву» (имам Муслим).
قال النبي صلى الله عليه وسلم: "إِنَّ العَيْنَ لَتُدْخِلُ الرَّجُلَ القَبْرَ وَالجَمَلَ القِدْرَ" (رواه أبو نعيم في الحلية )
Пайгъамбари ﷺ гъапну: «Ул апlувал гьякь ву. Думу себеб дубхьну, инсан накьвдиз гъягъюб мумкин ву, хъа деве - гъазниз» (Абу-Нуайм).
Дидин мяна гьадму вуки, ул апlбаан инсандиз зарар а, гьятта думу кечмиш хьузра мумкин ву. Хъа ул апlбаан иццру гъабхьи деве дубккну гъазни ипубтlан гъубзурдар.
وقد كان جبريل يرقي النبي صلى الله عليه وسلم فيقول: "بِسْمِ اللهِ أَرْقِيكَ مِنْ كُلِّ شَيْءٍ يُؤْذِيكَ, مِنْ شَرِّ كُلِّ نَفْسٍ أَوْ عَيْنٍ أَوْ حَاسِدٍ, اللهُ يَشْفِيكَ بِسْمِ اللهِ أَرْقِيكَ" (الترمذي، و أبو داود)
Жабраил малаикди, гьаму дюаь урхури, Пайгъамбар ﷺ сагъ гъапlну:
«Бисмиллягьи аркьика мин кули шайин юъзика мин шарри кули нафсин ав ‘аьйни гьясидин. Аллагьу яшфика бисмиллагьи аркьика» (имам ат-Тирмизи ва Абу Давуд).
Ул апlбахьан уьрхюз гьацира гьаму исихъ улупнайи аятар-сурйир сабаб шулу:
«Аятуль Курси», «аль-Фалякь», «ан-Нас» ва гь.ж.
Гвачlнинган хул’ан удучlвруган, ляхниз гъягъруган ва гьацира нивкl’ан уягъ гъахьиган хусуси вуди «аят уль-Курси» урхури гъахьиш, ужи ву.
Ул апlувал айиб ву, думу гьякь ву, гьаддиз ухьу дидхьан уьрхру себебарра ишлетмиш дапlну ккунду.
Ул апlбан гьякьнаан гьацира жара гьядисарра а. Хъа гьаму зиихъ кlваин гъапlдар ухьуз чlяаьн шул кlури, умуд кивраза.
Гъит Аллагьу Тааьлайи ухьу ва ухьуз ккунидар жара касдин ул апlбахьан уьрхри!
