Мединайиз рякъюъ
Йирхьудваржна
Сумчlурпи йис.
Ихь Пайгъамбар
(Салават ва
Салам дугъаз)
Удучlвнийи
Мединай`ан.
Рякъюъ мугъаз
Алахънийи
Абас халу,
Кюч шулайир
Мединайиз
Хизандихъди.
Ихь Пайгъамбри
(Салават ва
Салам дугъаз)
Гъаравларра
Хъади хизан
Гьапlу шагьриз,
Абас халу
Гъиту чахъди.
Вуйи думу
Аьхиримжир
Хаджираркан.
Абва йишвахь
Ихь Пайгъамбриз
(Салават ва
Салам дугъаз)
Рякъюрайи
Абусуфьян
Ибн Харис ва
Аьбдуллагь ибн
Абуумай.
Ухди вахтна
Гизаф гиран
Ктапlур вуйи
Ихь Пайгъамбриз
(Салават ва
Салам дугъаз),
Багахьлуйир
Вушра мурар.
Аьлди кlуру:
-Умун йихьай,
Гьякь Пайгъамбрин
(Салават ва
Салам дугъаз)
Улихь хьачва.
Йипай дугъаз
Гъапиб Юсуф
Пайгъамбриз чан
Гъахи чвйири.
Ва мурари
Ихь Пайгъамбриз
(Салават ва
Салам дугъаз)
Гъапи гафар:
-Дугъриданна,
Сар Аллагьди
Ктагъну уву,
Хъа учу ву
Аьсси лукlар.
Кьабул гъапlу
Мурари дин
Мусурмнарин.
Шад гъахьнийи
Ихь Пайгъамбар
(Салават ва
Салам дугъаз).
Кьур`андиан
Дугъу гъапи:
-Гьич сарира
Учвуз тягьна
Дириври гъи.
Сар Аллагьди
Аьф апlур ичв,
Рягьимлу ву
Думу вартlан.
Му ваз вуйи
Рамазандин,
Ушв бисузра
Вуйи читин.
Кlур Пайгъамбри
(Салават ва
Салам дугъаз):
«Нач мапlанай,
Ушвар гьитай».
Дугъу чавра
Му ражну ушв
Дибиснадай.
Кадидайин
Багахь хьиган,
Ихь Пайгъамбри
(Салават ва
Салам дугъаз)
Амур гъапlу
Кархьуз цlийир
Чирагъарик
Хъуркьган Маар
Захрандихъна.
Йицlуд агъзур
Чирагъ дяркъну,
Кьурайшитар
Гъавриъ гъахьну,
Ва жанариъ
Зиз арабгъну.
Вари якьин
Аьгъю апlуз
Чпин вакилар
Дишла гьаъну.
Му арайиъ
Лагерилан
Илтlикlури
Айи Аббас.
Абусуфьян
Кlулиъ ади
Кьурайшитар
Багахь гъахьи.
Гьерху дугъу:
- Шлин ву кьушмар?
Аббасди кlур:
– Сар Аллагьди
Гьаурин ву.
Гьадму вахтна
Гъаравлари,
Багахь духьну,
Гъидиснийи
Вари мурар
Йисирарди,
Хъа дурарин
Арайиъ ай
Мекка шагьрин
Аьхюдаркан.
Уьмраз дишла
Ккун гъабхьнийи
Пис душмнарин
Гарднар йивуз,
Хъа Пайгъамбри
(Салават ва
Салам дугъаз)
Гъитундайи.
Варди кьабул
Гъапlу ислам,
Инкар хьнушра
Хайлин вахтна.
Ихь Пайгъамбри
(Салават ва
Салам дугъаз)
Рякъюн гъвалахъ
Деркку Аббас.
Абусуфьян
Хьайи багахь.
Гъяркъю мугъаз
Мусурмнарин
Кьушмар, кьувват:
Гьарсаб тухмин
Ву вакилар,
Хьайи пайдгъар
Ва яракьар,
Варди кlура
«Аллагьу акбар!»,
Улихь хьайир
Халид вуйи.
Ва Аббасди,
Аьмал ади,
Абусуфьян
Гьау шагьриз.
Дугъу дишла,
Хъуркьубси учв,
Кьурайшитар
Уч гъапlнийи
Ва гъапнийи:
«Мугьяммаддин
Кьушмин кьадар-
Кьянгьят адар! –
Гьапlну ккундуш,
Пуз шуладар. –
Гаф тувну а:
Фуж жин гъахьиш
Кьяаьбайихъ
Ва йиз икриъ,
Сагъди гъитди
Мусурмнари».
Ихь Пайгъамбри
(Салават ва
Салам дугъаз)
Зубайруриз
Амур гъапlу
Пайдагъ дубсуз
Хаджур дагъдин
Лап кlакlниин.
Хъа Халид ибн
Валид кlурур
Учlву шагьриъ
Терефнаан
Кудай кlуру.
Ихь Пайгъамбрин
(Салават ва
Салам дугъаз)
Кьушум Сафа
Тепейихъ хъа,
Дийигъну а,
Ккилигура.
Мекка шагьриъ
Учlвуз ккунди,
Гьяркатнаъ а
Абуубай.
Кlулиъ айир
Ву Пайгъамбар
(Салават ва
Салам дугъаз),
Убхурайи
Сура ву «Фатх»
(Гъалибвал ву
Дидин мяна).
Амур дапlну,
Сар Аллагьди
Туву дугъаз
Му гъалибвал.
Ис дапlна кlул,
Сакъал кабсна
Чан девейик,
Фикрик кахъну,
Илдицнийи
Кябайилан.
Кlура варди
«Аллагьу акбар!»
