Пайгъамбарин ﷺ кагъаз
Пайгъамбарин ﷺ кагъаз
Кьасумов Амир Мирзаевич,
Жулжагъ гъул.
РФ-йин жюрбежюр искусствойин ва литературайин конкурсдин лауреат ва дипломант:
Медаль Москва 1985.
Медаль Москва 1987.
Медаль Москва 1989. Дагъустан Республикайин культурайин лайикьлу работник (2004 й).
РФ-йин журналистарин Союздин член (2005 й).
РФ-йин уьмуми образованияйин лайикьлу работник (2006 й).
РФ-йин президентин грантдин сагьиб (2009 й). РФ-йин мялимарин устадвалин бина конкурсдин
дипломант (1 степен, 2017 йис.) "Табасаран райондин улихь лайикьлувализ лигну" - медаль, 29.08.2024.
Яракь хьайи
Гъаравларра
Хъади гьау
Гъафи хялар
Хиджаздизкьан.
Амма дугъу,
Мукавкисди,
Ислам кьабул
Гъапундайи.
Ихь Пайгъамбри
(Салават ва
Салам дугъаз)
Сар дишагьли,
Мария, чаз
Хпирди гъиту,
Тму дишагьли
Пешкеш гъапIу
Шаир Хасназ.
Му гьядиса
Субут апIру
Ядигар а:
Египетдин
Ахмин шагьрин
Мистаъ кюгьне
Китабаригъ
Гъибихънийи
Ихь Пайгъамбри
(Салават ва
Салам дугъаз)
Мукавкисдиз
ХътапIу кагъаз.
***
Ихь Пайгъамбри
(Салават ва
Салам дугъаз)
Бахрейн кIуру
Вилаятдин
Паччагь вуйи
Аль Мунзир ибн
Савайихьна
Хьади кагъаз
Гьаур вуйи
Ала Хадрам.
Думу кагъзик
ДибикIнайи:
«Рягьимлу вуй
Сар Аллагьдин
Ччвурнахъанди!
Уву ислам
Кьабул апIин…
КIваъ гьарган уьбх:
Аллагь сар ву,
Жара адар.
Узу вуза
Гьаур дугъу.
Кяаьбайин
Терефназди
ИлтIикI уву
Ва яв халкьар.
Гъудган апIин,
Гъубкку, гьялал
Йиккра ипIин.
Сар Аллагьди
Ву уьрхиди
Ва Пайгъамбрин
Шулчва уммат».
Кьабул гъапIу
Ихь ислам дин
Аль Мунзири.
Дугъу дишла
ГъибикIнийи
Кагъаз-жаваб:
«Я, Аллагьди
Гьаъну айир,
Му яв кагъаз
Гъурхунза ич
Вилаятдин
Агьалйириз.
ГьацIар дишла
Рази гъахьи,
Хъа саспидар
Рази хьундар.
Гьаржюрейин
А миллетар
Вилаятдиъ.
Йип узукна,
ГьапIну ккундуш.
Фици гъапиш,
Гьаци хьибди».
Ихь Пайгъамбри
(Салават ва
Салам дугъаз)
ГъиикIнийи
Жаваб-кагъаз:
«Аль Мунзир ибн
Сава, увуз
Ва яв халкьдиз
Ислягьвалар.
Шюкюр ибшри
Сар Аллагьдиз,
Аллагь сар ву,
Гьаур узу –
Дугъан гьякь лукI!..
Яв йикьрар ву,
Яв халкьдинси.
Кьабул вузуз.
Уьрхри уву
Сар Аллагьди.
Гъузай дугъри,
Гьякь рякъюъди».
Хъана хайлин
Насигьятар,
Ислам диндин
Рякъяр-ражар
ГъидикIнийи
Ихь Пайгъамбри
(Салават ва
Салам дугъаз).
