Мукьадар гьядисар дугъан фици кlваинди гъузнийкlан?
Абу Гьурайра Пайгъамбарин ﷺ ляхнарикан ва гафарикан имбудартlан гизаф хабар туву асгьябарикан ву. Думу касдин му кьадар гьядисар фици кlваинди гъузнийкlан? Му ляхникан дугъу чав ктибтура.
Дупну ккундуки, му кас, читинвализ, гаш’вализ дилигди, Ислам дин ахтармиш апlури, Пайгъамбарин ﷺ мажлисариъ иштирак шули, гьарган илимдиин гъахьну. Саб ражари Абу Гьурайрайи гъапну: «Инсанари, Абу Гьурайрайи гизаф гьядисар хътаъну кlура, амма эгер кьюб аят гирами Каламдиан дайиш, узхьан саб гьядисра хътапlуз хьибдайи». Хъасин дугъу гьаму аятар гъурхну:
إِنَّ الَّذِينَ يَكْتُمُونَ مَا أَنْزَلْنَا مِنَ الْبَيِّنَاتِ وَالْهُدَى مِنْ بَعْدِ مَا بَيَّنَّاهُ لِلنَّاسِ فِي الْكِتَابِ أُولَئِكَ يَلْعَنُهُمُ اللَّهُ وَيَلْعَنُهُمُ اللَّاعِنُونَ * إِلَّا الَّذِينَ تَابُوا وَأَصْلَحُوا وَاعْتَصَمُوا بِاللَّهِ وَأَخْلَصُوا دِينَهُمْ لِلَّهِ فَأُولَئِكَ مَعَ الْمُؤْمِنِينَ وَسَوْفَ يُؤْتِ اللَّهُ الْمُؤْمِنِينَ أَجْرًا عَظِيمًا
Мяна: «Дугъриданна, Ухьу ачухъди ва якьинди тувнайи аьламатар жин апlрудар, дидкан Ухьу Калам гьапlнайи агьларизра мялумат тувунхьа, Аллагьу Тааьлайи нянят алапlур… Анжагъ туба дапlну, гьякьваликан ктибтуз хъюгъдар ктарди. Узу дицдарин туба кьабул апlурза, Узу дугъриданна туба кьабул апlрур, Рягьимлур вуза…» (159-пи аят «аль-Бакьара» сурайин, 146-пи аят «ан-Ниса’ сурайин».
Дидин кьяляхъ гъапну: «Дугъриданна, ихь мугьяжирарикан вуйи чвйир ариш-веришдихъ, ансарарикан вуйи чвйир чпин ляхнарихъ хъади гъахьнийи, хъа Абу Гьурайра, чаз тувнайибдиин рази духьну, Пайгъамбарин ﷺ рякъ хъхапlри гъахьнийи, дурар адру йишваъ думу шуйи, дурариз аьгъдруб, дугъаз аьгъю шуйи».
عن أبي هريرةَ قال: قلتُ يا رسول اللهِ، إنِّي أسمعُ منكَ حديثاً كثيراً أنساه. قال: ابسطْ رداءَكِ. فبسطته. قال: فغَرَفَ بِيدَيهِ ثمَّ قال: ضُمَّهُ، فما نَسِيتُ شيئاً بعده.
Имам Бухарийихьан вуйи гьядисдиъ гьамци кlура: «Абу Гьурайрайи гъапну: ”Саб ражари Пайгъамбариз ﷺ гъапунза: "Я Пайгъамбар ﷺ, дугъриданна, узуз увкан гизаф ебхьури шулзуз, амма гьархри шулзуз!" Думуган Пайгъамбари ﷺ гъапи: "Ачмиш апlин яв хъабхьруб", узу ачмиш гъапlза”».
Абу Гьурайрайи давам апlура: «Дугъу сифте чан хилар фтихъди-вуш ацlрайиганси, хъасин йиз хъабхьрубдиъ фу-вуш ипганси гъапlну. Мидин кьяляхъ гъапи: "Алабхь!" Гьаддихъанмина фукlара кlваълан гьархрадарзуз».
