Бәйрәм торты
Минем бер торт рецепты белән уртаклашасым килә!!! Бу рецепт бик җайлы да, тәмле дә була. Кайбер кеше белсә дә әйтми. Яхшылык эшләү бик зур изгелек бит. Бер-беребезгә мәрхәмәтле булыйк бу дөньяда.
Камыр өчен кирәк:
• 6 йомырка
• 250г шикәр комы
• 250г он.
• 1 чәй кашыгы күперткеч (разрыхритель).
Әзерләү ысулы:
Йомырка белән шикәр комын бергә салып 20 минут миксер белән кабартырга. Аннан сон 250 гр онны һәм күперткечне әкрен генэ салып калак белән болгатырга да, табага салып духовкага куярга. Өсте кызарып киткәч, алып суытырга. Суынгач 3 өлешкә бүләргә.
Аннан инде крем ясарга була. Крем кемгә нинди ошый. Без үзебез сөт өсте, эремчек сырын һәм шикәр комы пудрасы салып ясыйбыз. Эчендә дә, өстендә дә шул крем. Бик тәмле була. Өстен инде кем ничек бизи. Тәмле булсын ризыкларыгыз!!! Сәламәт булыйк!!!
РЕЗЕДӘ АХМЕТЗЯНОВА
