Гомрә (кече хаҗ) кылуның фазыйләтләре
Гомрә (кече хаҗ) кылуның фазыйләтләре
Аллаһ Тәгалә Коръән Кәримдә әйткән: "Анда (беркемдә дә буталчык тудырмый торган) ап-ачык аятьләр (вә галәмәтләр) һәм Ибраһимның мәкаме бар. Кем дә кем анда керсә, (курыканнарыннан) имин булыр.
Юл үтеп аңа (җитәргә) көч тапкан кешеләр Аллаһ өчен (әл-Хәрам мәчете булган) Бәйткә хаҗ кылырга тиеш. Кем дә кем (хаҗның фарызлыгын инкарь итеп) кәфер булса, һичшиксез Аллаһ – (һичнинди гыйбадәткә һәм һичкемгә ихтыяҗы булмаган) бөтен гамәлләрдән бай (зат)”. (Әәли Гыймран сүрәсе, 97 аят)
1.Аллаһның әмерен үтәп аның ризалыгын аласын.
- Хаҗ кылу Ислам диненең 5 нче әркәне (нигезе).
- Гөнаһлардан чистарынуга сәбәп.
Пәйгамбәребез (галәйһиссәлам) әйткән:
" Әгәр берәү талашмыйча (начар бозык сүзләр сөйләмичә) гөнаһлы гамәлләр кылмыйча, Аллаһ ризалыгы өчен Хаҗ кылса, (гөнаһларыннан арынып) анадан туган бала кебек пакьләнеп кайтачак". (Имам Бохари җыентыгыннан)
- Җәннәткә керүебезгә бер сәбәп.
Пәйгамбәребез (Пәйгамбәребез галәйһиссәлам) әйткән:
"Бер гомрәдән икенче гомрә арасы гөнаһларга кәффәрәт ( ике Гомрә арасында булган гөнаһларны сөртә) һәм кабул хаҗның нәтиҗәсе – ул җәннәт." (Имам Мөслим җыентыгыннан)
