“Зәкят” хәйрия фонды Бөтендөнья Даун синдромы булган кешеләр көненә багышланган кичә үткәрде

Бүген, Шәгъбан аеның 28нче көнендә (20нче мартта), Рамазан ае алдыннан Нәзарәтнең “Зәкят” хәйрия фонды Бөтендөнья Даун синдромы булган кешеләр көненә багышланган хәйрия чарасы үткәрде. Бу уңайдан 45 кеше – Татарстан мөфтиятенең “Зәкят” хәйрия фонды карамагында тәрбияләнүчеләр һәм әти-әниләр “Ханума” кафесына җыелды.

Әлеге чараны “Бәхет ачкычы” иҗат төркеме алып баручысы Ләйсән ханым Ганиева ачып җибәрде. Аннары кунакларны “Зәкят” хәйрия фонды вәкилләре, Нәзарәтнең социаль үсеш бүлеге җитәкчесе Айгөл Биктимирова сәламләде, ә Миләүшә ханым Зарипова Рамазан ае якынлашу һәм сынауларга сабыр итү турында вәгазь сөйләде.

Аннары «Ханума» кафесы белгечләре пицца ясау һәм бәйрәм ашлары әзерләү буенча кулинария мастер-классы оештырды.