Чувашстанда Бөек Җиңүнең 80 еллыгы уңаеннан Корбан ашы уздырылды

Чувашстанда Бөек Җиңүнең 80 еллыгы уңаеннан Корбан ашы уздырылды

Чуваш Республикасының Комсомол авылындагы мөселман мәхәллә йортында Бөек Җиңүнең 80 еллыгы уңаеннан Корбан ашы мәҗлесе оештырылды. Чарага сугыш чоры балалары, махсус хәрби операциядә катнашучылар, аларның әти-әниләре, райондагы хәзрәтләр һәм Казан шәһәреннән кунаклар чакырулы иде.

Мәҗлес Чуваш Республикасы Мөселманнары Диния нәзарәте мөфтие Ильяс хәзрәт Сафияновның Коръән сүрәләре укуы белән башланып китте. Алга таба җыелган кунаклар каршында балалар чыгыш ясадылар. Алар Бөек Ватан сугышына багышланган шигырьләр сөйләделәр, гаиләләрендә үзләренең бабайлары турында сакланучы истәлекләр белән бүлештеләр. Мәҗлес барышында махсус хәрби операциядә катнашучыларның әти-әниләренә һәм тормыш иптәшләренә Комсомол районы администрациясенең һәм Чуваш Республикасының Диния нәзарәтенең рәхмәт хатлары тапшырылды.

Чарада шулай ук Чуваш Республикасы милли-мәдәни берләшмәсе рәисе Әгъзам Шакиров, Бөтендөнья татар конгрессының Массакүләм мәгълүмат чаралары белән эшләү идарәсе хезмәткәре, шагыйрь Булат Ибраһим һәм башка рәсми затлар катнашты. Чараның төп оештыручысы Комсомол авылы мәчете имам-хатыйбы Альберт хәзрәт Алиуллов булды.

2026-08-01 (Рабигыль-әүвәл 1448 ел.) №8.


Безнең күзләр бар нәрсәне дә күрәме?

Максат: Аллаһның кодрәтенә, Коръәндәге дәлилләргә ышандыру. Фәрештәләр, шайтан турында мәгълүмат бирү. Үз эшләреңне, гамәлләреңне бәяләргә өйрәтү, ярамаган эшләрдән тыелу, тәрбияләү. «Әгүүзү билләһи миннәш шәйтаанир-раҗиим» сүзен өйрәтү.   Шөгыль барышы: Балалар, бирегә килегез...


Балтачта XIX Россиякүләм мөселман балалар Сабан туе узды

Балтач районы Бөрбаш авылында традицион XIX Россиякүләм мөселман балалар Сабан туе узды. Бәйрәмдә 3 меңнән артык кеше катнашты: Балтач, Арча, Әтнә һәм Кукмара районнарыннан, Ульян, Киров өлкәләреннән, Башкортстан һәм Марий Эл республикаларыннан һәм башка төбәкләрдән шәрәфле кунаклар, балалар һәм...


Кайбыч мөхтәсибәтендә «Кошман укулары» фәнни конференциясе узды

Кайбыч районы Кошман авылында «Кошман укулары» фәнни конференциясе узды, ул сөннәтче бабайларның роле һәм әһәмиятенә багышланды – алар ир балаларны сөннәткә утырту белән шөгыльләнгән.   Әлеге чараны Кайбыч мөхтәсибәтенең Кошман авылы мәчете һәм Казанның Ислам динен кабул...


Ата белән ул арасы-ндагы гаҗәеп мөнәсәбәт

Габдуллаһ ибне Мөбарәкнең (Аллаһның рәхмәтендә булсын) атасы кол булган. Ул хуҗасының бакчасында хезмәт иткән. Беркөнне хуҗасы бакчага кереп: «Улым! Миңа гранат китер», - дип сораган.   Мөбарәк гранатны алып хуҗасына биргән. Хуҗа аны татып карый да бик әчы булуын аңлый, хәтта...


РИИда һәм КИУда чыгарылыш курс шәкертләренә дипломнар тапшырдылар

Россия ислам институтында һәм Казан ислам университетында чыгарылыш курс шәкертләренә дипломнар тапшыру тантанасы узды. Күркәм гадәт буенча әлеге чара Коръән укып дога кылу белән башланды, аннары ректор Рәфикъ Мөхәммәтшин чыгыш ясады. Ул чыгарылыш курс шәкертләрен тәбрикләде һәм бу аларның...