“1100-еллык”ка багышлап “Россия музейларында ислам мирасы” конференциясе узды
Казанда “Россия музейларында ислам мирасы” дип исемләнгән Россиякүләм конференция узды. Әлеге фәнни форум Идел буе Болгар дәүләтендә Ислам дине кабул ителүнең 1100 еллыгына багышлап үткәрелде. Конференциядә Мәскәү, Санкт-Петербург, Казан, Азов, Грозный, Саранск, Истанбул, Баку һәм башка шәһәрләрнең музей, архив, китапханә һәм мәгариф учреждениеләре галимнәре, белгечләре чыгыш ясады. Катнашучылар мөселман мәдәнияте предметларының уникаль коллекцияләре, ислам тарихы, бүгенге дөньяда ислам сәнгатенең роле, рухи кыйммәтләрне саклау, динара аралашу турында сөйләште. Форум ТР Милли музее тарафыннан республикасының Мәдәният министрлыгы ярдәме белән оештырылды.
