Нәзарәтнең “Хозур” нәшрият йорты Федерация Советы башлыгы Валентина Матвиенконың Рәхмәт хатына лаек булды

Нәзарәтнең “Хозур” нәшрият йорты Федерация Советы башлыгы Валентина Матвиенконың Рәхмәт хатына лаек булды

Татарстан мөфтиятенең “Хозур” нәшрият йортына Россия Федерациясе Федераль Җыены Федерация Советы Рәисе Валентина Матвиенконың Рәхмәт хаты тапшырылды.

Бүләк “традицион рухи-әхлакый кыйммәтләрне саклауга һәм популярлаштыруга, җәмгыятьтә милләтара һәм конфессияара тынычлыкны һәм татулыкны ныгытуга зур өлеш керткән өчен” бирелде.

Рәхмәт хатын Татарстан Республикасы Мөфтиенең мәгълүмати сәясәт буенча урынбасары, “Хозур” нәшрият йорты җитәкчесе Ришат Хәмидуллинга Федерация Советының Регламент һәм парламент эшчәнлеген оештыру комитеты рәисе урынбасары Александр Терентьев тапшырды. Бүләк Татарстан мөселманнары башлыгы, Мөфти Камил хәзрәт Сәмигуллин янәшәсендә бирелде.

Татарстан мөфтиятенең “Хозур” нәшрият йорты 2013нче елдан эшләп килүче иң зур мөселман медиахолдингы булып тора, ул “Хозур ТВ” мөселман телевидениесен, Islam-today.ru сайтын, “Азан” радиосын, “Дин вә мәгыйшәт” һәм “Умма” газеталарын, “Шура” журналын, онлайн-мәдрәсәне, darul-kutub.com электрон китапханәсен, социаль челтәрләрне үз эченә ала.

Эшчәнлекнең өстенлекле юнәлешләре булып мәгърифәтчелек, экстремизм һәм террорчылык күренешләрен профилактикалау, Россия мөселманнары өчен традицион кыйммәтләрне җиткерү тора. Татар дини мирасын саклауга һәм популярлаштыруга юнәлдерелгән проектларны тормышка ашыруга зур игътибар бирелә.

“Хозур” нәшрият йорты Татарстан Республикасы массакүләм мәгълүмат чараларында этник һәм конфессияара мөнәсәбәтләр, террорчылыкка каршы тематиканы иң яхшы яктырту бәйгеләрендә берничә тапкыр җиңү яулады.

 

2026-08-01 (Рабигыль-әүвәл 1448 ел.) №8.


Әниләргә бала тәрбияләүдә берничә гамәли киңәш

Мөселман балаларына шәхси гигиенадан башлап финанс мәсьәләләрендә, шулай ук куркынычсызлык буенча киңәшләргә кадәр өйрәтергә кирәк булган зур булмаган, ләкин гаять мөһим әйберләр исемлеген тәкъдим итәбез.   Коръәндә һәм сөннәттә безгә, мөселманнарга, тормышны, аның төрле сикәлтәле урыннарын...


Тәсбихымда әни җылысы

Тәсбих тартам хөрмә төшләреннән, Күчкән миңа әнием кулыннан. Йөзләремдә иман нуры балкый Төймәләргә иңгән тыныңнан... Төймәләрен тезеп, чук кырына Барсын уйлап алдан күңелең. Янып торган ташлар куйгансың син, Караңгыда да,- дип,- күренсен. Тәхәҗҗүдкә торсын кызларым,- дип, Озак йокы- йөрәк...


СОРАУ-ҖАВАП

Кече хаҗ яки олы хаҗны кылып кайткан кешене зиярат итү сөннәт гамәл булып саналамы? Хаҗдан кайткан кешегә хөрмәт йөзеннән аны зиярат итү һәм дога кылуын сорау саваплы гамәл. Хәдистә әйтелгән: «Әгәр сез хаҗины очратсагыз, аны сәламләгез, кул биреп күрешегез ул өенә кергәнчегә кадәр сезнең...


Балтачта XIX Россиякүләм мөселман балалар Сабан туе узды

Балтач районы Бөрбаш авылында традицион XIX Россиякүләм мөселман балалар Сабан туе узды. Бәйрәмдә 3 меңнән артык кеше катнашты: Балтач, Арча, Әтнә һәм Кукмара районнарыннан, Ульян, Киров өлкәләреннән, Башкортстан һәм Марий Эл республикаларыннан һәм башка төбәкләрдән шәрәфле кунаклар, балалар һәм...


Безнең күзләр бар нәрсәне дә күрәме?

Максат: Аллаһның кодрәтенә, Коръәндәге дәлилләргә ышандыру. Фәрештәләр, шайтан турында мәгълүмат бирү. Үз эшләреңне, гамәлләреңне бәяләргә өйрәтү, ярамаган эшләрдән тыелу, тәрбияләү. «Әгүүзү билләһи миннәш шәйтаанир-раҗиим» сүзен өйрәтү.   Шөгыль барышы: Балалар, бирегә килегез...