Кукмара мәдрәсәсен быел 100 кеше тәмамлады

15 май көнне Кукмара мәдрәсәсендә чираттагы чыгарылышка багышланган тантана узды. Имам-хатыйблар һәм ислам нигезләре мөгаллимнәре әзерли торган 4 еллык һөнәри бүлекне быел 13 ир-егет һәм 9 хатын-кыз – барлыгы 22 кеше тәмамлады. Алар урта һөнәри дини белем алуны раслаучы дипломнарга ия булды.

Мәдрәсәнең 3 еллык башлангыч бүлеген тәмамлаучылар саны – 78: ир-егетләр – 26 кеше, хатын-кызлар исә биредә күбрәк – 52. Башлангыч бүлекне тәмамлаучыларның 25 се – балалар: яшүсмер малайлар 11 һәм яшүсмер кызлар – 14 кеше (аларга башлангыч дини белем алуны раслаучы таныклыклар тапшырылды). Шулай итеп, быел Кукмара мәдрәсәсен тәмалаучы шәкертләр саны нәкъ 100 кеше булды.