Казанда Дагыстан ифтары узды

Казанда Дагыстан ифтары узды

Казанда Дагыстан ифтары узды

Корстон-Казан залында Дагыстан Республикасы мөфтияте оештырган Дагыстан халкы ифтары узды. Татарстан Мөфтие Камил хәзрәт Сәмигуллин әлеге чараның хөрмәтле кунагы булды. Чарада шулай ук Дагыстан Республикасы мөфтияте рәисе Абдулла Сәлимов, ике республиканың рәсми затлары, Волгоград өлкәсе мөфтие Кифах хәзрәт Мөхәммәд катнашты. Шулай итеп, бер өстәл артында Татарстан һәм Дагыстаннан 700 мөселман җыелды.

Мөфти Камил хәзрәт, ифтарда катнашучыларны җылы сәламләп, Дагыстан Мөфтие шәех Әхмәд-Әфәнде Абдулаевка сәлам тапшырды.

Абдулла хаҗи Сәлимов үзенең мөрәҗәгатендә Дагыстан Мөфтие, шәех Әхмәд-Әфәнде исеменнән Татарстан Рәисе Рөстәм Нургали улы Миңнехановка Дагыстан һәм Татарстан халыклары арасында яхшы мөнәсәбәтләрне саклаганнары өчен рәхмәт сүзләрен җиткерде. Ул барлык мөселманнарның, ураза тотып, яхшырак һәм әхлакыйрак булуларын, тирә-юньдә Рамазан ае мохитен саклауларын теләде.

Рәсми затларның Рамазан ае һәм уразаның фазыйләтләре, дустанә мөнәсәбәтләр, дини мирас турындагы чыгышлары Йосыф Әсхәбәлиев һәм Рөстәм Хөсәеновның нәшидләре белән аралашып барды.

Чара барышында шулай ук ифтарда катнашучылар арасында гомрәгә юллама уйнатылды.

Ифтар мәҗлесе белән тәмамлангач, анда катнашучы мөселманнар Ватан иминлеге һәм МХОдагы солдатлар өчен дога кылды, Аллаһтан алар өчен яклау сорады.

 

2026-08-01 (Рабигыль-әүвәл 1448 ел.) №8.


Тәсбих җан белән тәнне берләштерә

Тәсбих – ул төймәләрдән җыелган тезмә, Аллаһны зикер кылганда санап бару өчен кулланыла. Тәсбих биш вакыт намаздан соң даими кулланылса, башка буш вакытта да гыйбадәт кылу өчен файдаланыла. Тәсбих сүзе Аллаһны мактау, кыскача дога сүзләре белән Аллаһка шөкер итү, Аны олылауны...


РИИда һәм КИУда чыгарылыш курс шәкертләренә дипломнар тапшырдылар

Россия ислам институтында һәм Казан ислам университетында чыгарылыш курс шәкертләренә дипломнар тапшыру тантанасы узды. Күркәм гадәт буенча әлеге чара Коръән укып дога кылу белән башланды, аннары ректор Рәфикъ Мөхәммәтшин чыгыш ясады. Ул чыгарылыш курс шәкертләрен тәбрикләде һәм бу аларның...


Кайбыч мөхтәсибәтендә «Кошман укулары» фәнни конференциясе узды

Кайбыч районы Кошман авылында «Кошман укулары» фәнни конференциясе узды, ул сөннәтче бабайларның роле һәм әһәмиятенә багышланды – алар ир балаларны сөннәткә утырту белән шөгыльләнгән.   Әлеге чараны Кайбыч мөхтәсибәтенең Кошман авылы мәчете һәм Казанның Ислам динен кабул...


Безнең күзләр бар нәрсәне дә күрәме?

Максат: Аллаһның кодрәтенә, Коръәндәге дәлилләргә ышандыру. Фәрештәләр, шайтан турында мәгълүмат бирү. Үз эшләреңне, гамәлләреңне бәяләргә өйрәтү, ярамаган эшләрдән тыелу, тәрбияләү. «Әгүүзү билләһи миннәш шәйтаанир-раҗиим» сүзен өйрәтү.   Шөгыль барышы: Балалар, бирегә килегез...


Балтачта XIX Россиякүләм мөселман балалар Сабан туе узды

Балтач районы Бөрбаш авылында традицион XIX Россиякүләм мөселман балалар Сабан туе узды. Бәйрәмдә 3 меңнән артык кеше катнашты: Балтач, Арча, Әтнә һәм Кукмара районнарыннан, Ульян, Киров өлкәләреннән, Башкортстан һәм Марий Эл республикаларыннан һәм башка төбәкләрдән шәрәфле кунаклар, балалар һәм...