Арча мөхтәсибәтендә Коръән-Кәрим өйрәнү үзәге ачылды

Арча мөхтәсибәтендә Коръән-Кәрим өйрәнү үзәге ачылды

Арча мөхтәсибәтендә, район-ның Үзәк мәчете каршында урнашкан Коръән-Кәрим өйрәнү үзәге тантаналы рәвештә ачылды.

Коръән-Кәрим өйрәнү үзәген ачу тантанасында дәрәҗәле кунаклар катнашты: Татарстан Мөфтие Камил хәзрәт Сәмигуллин, Татарстанның баш казые Җәлил хәзрәт Фазлыев, Татарстан Рәисе каршындагы Мәдәниятне үстерүгә ярдәм фондының башкарма директоры Нурия Һашимова, Арча муниципаль районы башлыгы Илшат Нуриев, КИУ каршындагы Коръән-хафизлар әзерләү үзәге җитәкчесе Габдерәшид хәзрәт Фәизов, Ислам динен кабул итүгә 1000 ел исемендәге мәдрәсә җитәкчесе Ильяс хәзрәт Җиһаншин, шулай ук дин әһелләре һәм җәмәгать эшлеклеләре, район аксакаллары һәм имамнары, якын-тирә районнарның мөхтәсибләре, төзелеш эшендә катнашучылар һәм иганәчеләр. Алар, мәхәллә халкы алдында чыгыш ясап, Коръән өйрәнү үзәгенең озак еллар дин кардәшләребезгә хезмәт итүен һәм белем эстәүчеләрне җәлеп итү урыны булуын теләделәр.

Коръән укырга өйрәнү һәм аны ятлау өчен махсус бинаны төзү эшләре 2023нче елның 11нче июлендә башлана. Район халкы, республика җитәкчеләре һәм мөселманнарның актив ярдәме белән әлеге үзәк ел ярым эчендә сафка басты.

Бүген шулай ук Арча шәһәренең Габденнасыйр Курсави исемендәге мәчетендә “Чишмә” ачылды. Ул мәхәллә халкы һәм иганәчеләр тарафыннан булдырылган.

Хәзерге вакытта Арча мөхтәсибәтендә 94 мәчет эшли, ислам дине нигезләре буенча 138 мөгаллим белем бирә.

2026-02-01 (Рамазан 1447 ел.) №2.


Кадер кичәсе – изге кичә

Рамазан ае – изге вә шәриф айдыр һәм ошбу айның һәр көне, һәр кичәсе мөэмин-мөселманнар өчен бик тә кадерле. Шулай да, бу изге айның бер кичен аеруча зурлап, олы җаваплылык вә тәкъвалык белән үткәрәләр.   Аллаһы Тәгалә шул кич турында аерым бер сүрә иңдерә һәм аны “Ләйләтүл...


Рамазан аенда иң яхшы бизәлешле бинаның хуҗасына – хаҗ юлламасы!

Быел Татарстан мөфтияте дүртенче тапкыр изге Рамазан ае уңаеннан җәмәгать урыннарын матур итеп бизәү буенча “Нурлы Рамазан” бәйгесен игълан итте. Бәйгегә гаризалар 20 гыйнвардан алып 18 февральгә кадәр кабул ителә. Республикада изге ай мохитен тудыру һәм бәйгедә катнашу өчен иҗтимагый,...


AAOIFIның Попечительләр шурасы рәисе белән очрашу

Татарстан Мөфтие, ТР мөселманнары Диния Нәзарәте рәисе Камил хәзрәт Сәмигуллин дәрәҗәле кунак – AAOIFIның Попечительләр шурасы рәисе, шәех Ибраһим Бин Хәлифә Әл-Хәлифә белән очрашты. Очрашу Галиев мәчетендә үтте. Очрашуда шулай ук Татарстан Республикасы Премьер-министры урынбасары –...


Рамазан ае: балаларны ураза белән таныштырабыз

Мөселманнарның изге бәйрәме - Рамазан ае якынлаша. Ул бер ай дәвам итә. Ураза тоту – Аллаһ биргән тәмле, татлы ризыкларның, чиста суның кадерен искә төшерә.   5-6 яшьләремдә булганмындыр, әни белән дәү әнидән: “Бүген Ураза тотарга торасы була”, – дигән сүзләрен...


Изге Рамазан

Җомга киче, саф һава Тын гына яңгыр ява. Дымы җирләргә сеңә Күктән бәрәкәт иңә. Бер күренә, бер күмелә Күктә ай, күктә ай. Шәгъбан ае узып бара, Якынлаша изге ай.   Йолдызлар җем – җем итә Зәңгәр болытлар аша Гөнаһлар кичерелә Торган ай якынлаша. Шәһәрне нурга...